అక్షరటుడే, వెబ్డెస్క్: Sunrisers Batting | ముంబైలోనివాంఖడే స్టేడియం వేదికగా జరిగిన ఐపీఎల్ మ్యాచ్లో పరుగుల సునామీ వచ్చింది. ముంబై ఇండియన్స్ – సన్రైజర్స్ హైదరాబాద్ జట్ల మధ్య జరిగిన ఈ హై స్కోరింగ్ పోరు అభిమానులకు క్లాసిక్ థ్రిల్లర్ను తలపించింది. టాస్ గెలిచి బ్యాటింగ్ ఎంచుకున్న ముంబై ఇండియన్స్ (Mumbai Indians) నిర్ణయం మొదట్లో పూర్తిగా సరైనదిగా కనిపించింది.
ఓపెనర్ రాన్ రికల్టన్ విరుచుకుపడి ఆకాశమే హద్దుగా చెలరేగాడు. కేవలం 55 బంతుల్లో 123 పరుగులు చేసి అజేయంగా నిలిచిన రికల్టన్, ముంబై ఇండియన్స్ చరిత్రలోనే అత్యధిక వ్యక్తిగత స్కోరు నమోదు చేశాడు. అతని సుడిగాలి ఇన్నింగ్స్తో ముంబై 20 ఓవర్లలో 243 పరుగుల భారీ స్కోరు సాధించింది.
Sunrisers Batting | కన్నీళ్లు పెట్టించారు…
స్టేడియంలో మ్యాచ్ను వీక్షిస్తున్న నీతా అంబానీ, ఆకాశ్ అంబానీ (Aakash ambani) తమ జట్టు ప్రదర్శనకు హర్షం వ్యక్తం చేశారు. ఈ భారీ స్కోరు చూసి ముంబై విజయంపై అందరూ నమ్మకం వ్యక్తం చేశారు. అయితే, 244 పరుగుల లక్ష్యం సన్రైజర్స్ హైదరాబాద్ బ్యాటర్లను ఏమాత్రం భయపెట్టలేదు. ఓపెనర్లు ట్రావిస్ హెడ్ (30 బంతుల్లో 76), అభిషేక్ శర్మ కలిసి ముంబై బౌలర్లపై దాడి చేశారు. పవర్ ప్లే ముగిసేసరికి వికెట్ నష్టపోకుండా 92 పరుగులు నమోదు చేసి మ్యాచ్ను పూర్తిగా తమ వైపు తిప్పుకున్నారు. ప్రపంచ స్థాయి బౌలర్ జస్ప్రీత్ బుమ్రా కూడా ఈ దాడిని అడ్డుకోలేకపోయాడు. తన నాలుగు ఓవర్లలో వికెట్ తీయకుండానే 54 పరుగులు ఇచ్చి నిరాశపరిచాడు. ఈ సమయంలో కెప్టెన్ హార్దిక్ పాండ్యా సహా ముంబై శిబిరంలో నిరాశ స్పష్టంగా కనిపించింది.
Sunrisers Batting | 65 పరుగులు చేసి అజేయంగా నిలిచిన క్లాసెన్
మధ్యలో గజన్ఫర్ రెండు వికెట్లు తీసి మ్యాచ్లో మళ్లీ ఉత్కంఠ రేకెత్తించినా, హెన్రిచ్ క్లాసెన్ ఆ ఆశలను చల్లార్చాడు. కేవలం 30 బంతుల్లో 65 పరుగులు చేసి అజేయంగా నిలిచిన క్లాసెన్, నితీష్ రెడ్డితో కలిసి జట్టును విజయతీరాలకు చేర్చాడు. 18.4 ఓవర్లలోనే లక్ష్యాన్ని ఛేదించిన హైదరాబాద్, ఈ సీజన్లో తమ దూకుడు కొనసాగించింది.ఈ ఓటమితో ముంబై ఇండియన్స్ పాయింట్ల పట్టికలో దిగువ స్థానాల్లోనే కొనసాగుతోంది. బ్యాటింగ్లో మెరుగుపడినప్పటికీ, బౌలింగ్ వైఫల్యం జట్టును వెంటాడుతోంది. కెప్టెన్ హార్దిక్ పాండ్యా నాయకత్వంలో ముంబైకి ఇది మరో చేదు అనుభవంగా మారింది. అయితే ముంబై బౌలింగ్ని సన్రైజర్స్ చీల్చి చెండాడుతున్న క్రమంలో నీతా అంబాని కన్నీరు పెట్టుకుంది. ఇందుకు సంబంధించిన ఫొటోలు నెట్టింట వైరల్గా మారింది.
ఇది కూడా చదవండి..: SRH Powerplay Score | SRH ఊచకోత.. MI బౌలర్లపై విరుచుకుపడ్డ ఓపెనర్లు.. పవర్ప్లేలోనే మ్యాచ్ మలుపు!
