అక్షరటుడే వెబ్డెస్క్:Suryastra Rocket Test | స్వదేశీ రక్షణ రంగాన్ని మరింత బలోపేతం చేస్తూ భారతదేశానికి చెందిన ప్రముఖ ప్రైవేట్ రక్షణ సంస్థ ‘నిబే లిమిటెడ్’ (Nibe Limited) సరికొత్త చరిత్ర సృష్టించింది. శత్రువుల గుండెల్లో వణుకు పుట్టించే అత్యంత అధునాతన సుదూర రాకెట్ వ్యవస్థ ‘సూర్యాస్త్ర’ (Suryastra) ప్రయోగాన్ని విజయవంతంగా పూర్తి చేసింది. ఒడిశాలోని చాందీపుర్ టెస్టింగ్ రేంజ్ నుండి ఈ పరీక్షను అత్యంత ప్రతిష్టాత్మకంగా నిర్వహించారు.
Suryastra Rocket Test | లక్ష్యం ఛేదించిన సూర్యాస్త్ర..
ఈ ప్రయోగంలో భాగంగా 150 కిలోమీటర్ల నుండి 300 కిలోమీటర్ల దూరంలో ఉన్న శత్రు స్థావరాలను ధ్వంసం చేయగల రెండు వేర్వేరు రకాల (వేరియంట్స్) సూర్యాస్త్ర రాకెట్లను పరీక్షించారు. ఈ రాకెట్లు కేవలం 1.5 మీటర్ల నుండి 2 మీటర్ల అత్యంత స్వల్ప కచ్చితత్వంతో (Accuracy) అనుకున్న లక్ష్యాలను సూటిగా ఛేదించినట్లు రక్షణ రంగ అధికారులు వెల్లడించారు. ఈ అద్భుతమైన పనితీరును చూసి, ఈ రాకెట్ వ్యవస్థను కొనుగోలు చేయడానికి భారత సైన్యం (Indian Army) కూడా ఆసక్తి చూపిస్తున్నట్లు సమాచారం.
Suryastra Rocket Test | అసలు ‘సూర్యాస్త్ర’ అంటే ఏమిటి?
సూర్యాస్త్ర అనేది సుదూర ప్రాంతాల్లోని శత్రువులను దెబ్బతీయగల ఒక అధునాతన గైడెడ్ రాకెట్ ఆర్టిలరీ (ఫిరంగి) వ్యవస్థ. శత్రు దేశాల సరిహద్దుల్లోని సైనిక స్థావరాలు, కమాండ్ సెంటర్లు, రాడార్ కేంద్రాలు , సరుకు రవాణా కేంద్రాలపై (Logistics Hubs) ఇది మెరుపుదాడి చేస్తుంది. సాధారణ ఫిరంగి గుండ్లలా కాకుండా, ఈ డీప్ స్ట్రైక్ (Deep Strike) రాకెట్లలో అత్యాధునిక నావిగేషన్, కంట్రోల్ సిస్టమ్స్ ఉంటాయి. ఇవి ఎంత దూరంలో ఉన్న శత్రువునైనా వెతికి పట్టుకుని మరీ ముక్కలు ముక్కలు చేస్తాయి. త్వరలోనే ఈ వ్యవస్థ భారత సైనిక అమ్ములపొదిలో చేరనుంది.
‘ఆత్మనిర్భర్ భారత్’ వైపు అడుగులు.
యుద్ధ సమయాల్లో ఇతర దేశాల నుండి దిగుమతి చేసుకునే ఖరీదైన క్షిపణులపై ఆధారపడటాన్ని తగ్గించడానికి భారతీయ ప్రైవేట్ సంస్థలు ఇలాంటి అత్యాధునిక ఆయుధాలను తయారు చేస్తున్నాయి. నిబే లిమిటెడ్ సాధించిన ఈ విజయం కేంద్ర ప్రభుత్వం ప్రతిష్టాత్మకంగా చేపట్టిన ‘ఆత్మనిర్భర్ భారత్’ (స్వయం సమృద్ధి) ఆశయానికి ప్రైవేట్ రంగం అందిస్తున్న బలమైన మద్దతుకు నిదర్శనంగా నిలిచింది.
India just fired rockets that hit targets 150 km and 300 km away.
And the accuracy numbers from today’s trial are remarkable 🇮🇳
Nibe Limited successfully demonstrated EXTRA and Predator Hawk rockets at Chandipur under the Suryastra programme today.
Here is what was confirmed… pic.twitter.com/TCI5rvMd98
— Military Observer (@TheMilObserverr) May 20, 2026
ఇది కూడా చదవండి: Cancer Drug Smuggling|క్యాన్సర్ మందుల అక్రమ రవాణాపై ఢిల్లీ హైకోర్టు ఫైర్.. కేంద్రం, CDSCO లకు కోర్టు నోటీసులు
