అక్షరటుడే, వెబ్డెస్క్: Thailand Drug Dealer Arrest | థాయ్లాండ్ (Thailand)లో ఒక మాదకద్రవ్యాల వ్యాపారిని పట్టుకోవడానికి పోలీసులు కీలక ఆపరేషన్ నిర్వహించారు. పురుషులైన పోలీసు అధికారులు ఒక మహిళా నృత్య బృందంగా మారువేషంలో వెళ్లి అతడిని అరెస్ట్ చేశారు.
తూర్పు థాయ్లాండ్లోని థా లువాంగ్లో ఈ విజయవంతమైన ఆపరేషన్ తర్వాత, మహిళల దుస్తులు ధరించిన ఈ పోలీసులు మెరిసే దుస్తులు ధరించి, పెద్దగా నవ్వుతూ ఉన్న తమ చిత్రాన్ని ఫేస్బుక్లో పంచుకున్నారు. పోలీసుల ప్రకారం, మెఖా ఫా-వాప్-వాప్ అనే వ్యక్తి వద్ద 53 మెథాంఫేటమిన్ మాత్రలు, మాదకద్రవ్యాలు ఉంచడానికి 200కు పైగా ప్లాస్టిక్ సంచులు, ఒక మొబైల్ ఫోన్ లభించాయి.
Thailand Drug Dealer Arrest | డ్యాన్స్ షోలో ఉన్నప్పుడు
మెఖా చట్టవిరుద్ధ కార్యకలాపాలలో పాలుపంచుకున్నాడని పోలీసులు అనుమానించినప్పటికీ, అతడిని అప్రమత్తంగా లేనప్పుడు పట్టుకోవడానికి ప్లాన్ వేశారు. ఈ మేరకు అతడు డ్యాన్స్ షో (Dance Show)లో ఉండగా.. పోలీసులు లేడీ డాన్సర్లుగా గెటప్ మార్చి వల వేసి నిందితుడిని అరెస్ట్ చేశారు. షోలో మైమరచిపోయిన క్రిమినల్కు క్షణాల్లో బేడీలు పడిపోయాయి. కాగా థాయ్ పోలీసులు నిందితులను పట్టుకోవడానికి అప్పుడప్పుడు ఇలాంటి ఆపరేషన్లు నిర్వహిస్తారు. బ్యాంకాక్లో పదేపదే నేరాలు చేసే ఒక వ్యక్తిని పట్టుకోవడానికి, చంద్ర నూతన సంవత్సరం సందర్భంగా పోలీసులు సింహ నృత్య బృందం వేషంలో కనిపించారు.
ఇది కూడా చదవండి..: US Iran Attacks 2 | మండుతున్న పశ్చిమాసియా: ‘ఆత్మరక్షణ’ ముసుగులో ఇరాన్పై అమెరికా దాడులు.. ఇజ్రాయెల్ భీకర వ్యూహం!
