అక్షరటుడే, వెబ్డెస్క్: Pakistan Bus Accident | పాకిస్థాన్లో ఘోర ప్రమాదం చోటు చేసుకుంది. ఓ బస్సు లోయలో పడటంతో 40 మంది మృత్యువాత పడ్డారు. ఖైబర్ పఖ్తుంఖ్వాలో శుక్రవారం ఉదయం ఈ ఘటన చోటు చేసుకుంది.
నైరుతి పాకిస్థాన్ (Pakistan)లో కిక్కిరిసిన ప్రయాణికులతో ఉన్న ఒక బస్సు హైవే నుండి రాతి లోయలోకి దూసుకెళ్లింది. ఈ ఘటనలో 40 మంది మరణించగా, మరో ఎనిమిది మంది గాయపడ్డారని అధికారులు తెలిపారు. బలూచిస్తాన్, ఖైబర్ పఖ్తూన్ఖ్వా ప్రావిన్సుల సరిహద్దుకు సమీపంలో ఉన్న దానా సర్ అనే మారుమూల ప్రాంతంలో బస్సు అదుపుతప్పి లోయలో పడిపోయిందని బలూచిస్తాన్ ప్రభుత్వ ప్రతినిధి షాహిద్ రింద్ తెలిపారు. ఆ బస్సులో ప్రయాణికులతో పాటు, పాడైపోయిన మరో బస్సులోని ప్రయాణికులు కూడా ఉండటంతో వాహనం కిక్కిరిసిపోయిందని రింద్ చెప్పారు.
Pakistan Bus Accident | పాక్ అధ్యక్షుడి సంతాపం
పాకిస్థాన్ అధ్యక్షుడు ఆసిఫ్ అలీ జర్దారీ బస్సు ప్రమాదంపై విచారం వ్యక్తం చేశారు. మృతుల కుటుంబాలకు సంతాపం తెలిపారు. గాయపడిన వారు త్వరగా కోలుకోవాలని ఆకాంక్షించారు. క్షతగాత్రులకు మెరుగైన వైద్యం అందించాలని ఆదేశించారు.
ఇది కూడా చదవండి..: Russia Drone Attack | కీవ్పై రష్యా డ్రోన్ల దాడి..
