అక్షరటుడే, వెబ్డెస్క్: Tibet Earthquake | టిబెట్‌ ప్రాంతంలో గురువారం రాత్రి భారీ భూకంపం Earthquake సంభవించింది. ఉత్తర టిబెట్‌లోని నాగ్‌చూ (Nagqu) ప్రాంతంలో స్థానిక కాలమానం ప్రకారం రాత్రి 10:33 గంటల సమయంలో భూమి కంపించింది. భూకంపం తీవ్రత రిక్టర్‌ స్కేల్‌పై 7.0గా నమోదైనట్లు చైనా భూకంప నెట్‌వర్క్స్‌ సెంటర్‌ (CENC) వెల్లడించింది.
Tibet Earthquake | 10 కిలోమీటర్ల లోతులో కేంద్రం
తాజా సమాచారం ప్రకారం.. భూకంప కేంద్రం భూమికి సుమారు 10 కిలోమీటర్ల లోతులో ఉంది. భూకంప కేంద్రానికి ఐదు కిలోమీటర్ల పరిధిలోని ప్రాంతం సముద్ర మట్టానికి సగటున 4,864 మీటర్ల ఎత్తులో ఉన్నట్లు CENC గణాంకాలను బట్టి తెలుస్తోంది. స్థానికంగా భూకంపం అనుభూతిని స్పష్టంగా చెందినట్లు అధికారులు తెలిపారు.
Tibet Earthquake | లాసా నగరానికి 400 కిలోమీటర్ల దూరంలో..
భూకంప కేంద్రం టిబెట్‌ రాజధాని లాసా నగరానికి సుమారు 400 కిలోమీటర్ల దూరంలో ఉన్నట్లు సమాచారం. ఈ ప్రాంతం ఎత్తైన పర్వతాలు, తక్కువ ఉష్ణోగ్రతలు ఉండే భౌగోళిక పరిస్థితులతో కూడి ఉంటుంది. ఇలాంటి ప్రాంతాల్లో సహాయక బృందాలు ఘటనాస్థలికి చేరుకోవడం సవాలుగా మారనుంది.
Akshara Today | ప్రజల గొంతుకగా అక్షరటుడే.. డిజిటల్ దిశగా మరో అడుగు..
ప్రాణ, ఆస్తి నష్టంపై స్పష్టత..
ప్రస్తుతం అందుబాటులో ఉన్న తాజా వార్తా నివేదికల్లో ఈ భూకంపం కారణంగా ఎంతమంది ప్రాణాలు కోల్పోయారు, ఎంతమేర ఆస్తి నష్టం జరిగింది అనే వివరాలు స్పష్టంగా వెల్లడికాలేదు. నష్టం అంచనాలు, సహాయక చర్యలకు సంబంధించిన అధికారిక సమాచారం వెల్లడికావల్సి ఉంది.
