అక్షరటుడే,నిజామాబాద్ క్రైం: TOSS Exams Security | నిజామాబాద్ పోలీస్ కమిషనరేట్ పరిధిలో ఓపెన్ స్కూల్ సొసైటీ ఆధ్వర్యంలో జరుగనున్న పరీక్షలకు కట్టుదిట్టమైన భద్రత ఏర్పాటు చేస్తున్నామని సీపీ సాయిచైతన్య (CP Sai Chaitanya) తెలిపారు. ఈ మేరకు గురువారం ప్రకటన విడుదల చేశారు.
TOSS Exams Security | 163 బీఎన్ఎస్ఎస్ అమలు..
నిజామాబాద్ పోలీస్ కమిషనరేట్ పరిధిలో ఈనెల 11వ తేదీ నుంచి 17వ తేదీ వరకు తెలంగాణ ఓపెన్ స్కూల్ సొసైటీ (TOSS) పరీక్షకు సంబంధించి ఎస్సెస్సీ పరీక్ష ఆదర్శ హిందీ విద్యాలయం హైస్కూలో ఉంటుందన్నారు. అలాగే ఇంటర్ పరీక్ష ఆదర్శ హిందీ విద్యాలయం ఇంగ్లిష్ మీడియం హైస్కూల్లో పరీక్షలు ఉంటాయని తెలిపారు. పరీక్ష ఉదయం 9 గంటల నుంచి మధ్యాహ్నం12:00 వరకు, మధ్యాహ్నం 2:30 నుంచి 5:30 వరకు ఉంటుందని వివరించారు. ఈ పరీక్షలకు పోలీస్ శాఖ తరఫున కట్టుదిట్టమైన భద్రతా చర్యలు తీసుకున్నట్లు సీపీ తెలిపారు. పరీక్షలు జరిగే రోజు ఉదయం నుంచి సాయంత్రం 6 గంటల వరకు పరీక్షా కేంద్రాల వద్ద సెక్షన్ 163 బీఎన్ఎస్ఎస్ అమలులో ఉంటుందని వెల్లడించారు. పరీక్ష కేంద్రాల చుట్టూ 100 మీటర్ల పరిధిలో ఇద్దరికి మించి గుంపులుగా చేరడం నిషేధమని స్పష్టం చేశారు.
ఇది కూడా చదవండి..: School Inspection | కస్తూర్బాను తనిఖీ చేసిన కలెక్టర్ ఇలా త్రిపాఠి
