అక్షరటుడే, కామారెడ్డి: SIR Notices | ఓటరు జాబితాలో పొరపాట్లను సరి సిద్ధేందుకు సర్ నోటీసులు జారీ చేస్తున్నారని, వాటిపై ఎవరు ఆందోళన చెందవద్దని మున్సిపల్ ఛైర్పర్సన్ ఇప్ప ఉమారాణి (Municipal Chairperson Ippa Umarani) అన్నారు. మంగళవారం ఆమె జిల్లా కేంద్రంలోని అటవీ శాఖ కార్యాలయంతో పాటు ప్రభుత్వ పాఠశాలలో జరుగుతున్న ఎస్ఐఆర్ నోటీసుల పరిశీలన ప్రక్రియను పరిశీలించారు.
SIR Notices | చిన్నపాటి పొరపాట్లు..
ఈ సందర్భంగా మాట్లాడుతూ.. 2002 నాటి ఓటర్ లిస్టుతో ప్రస్తుత ఓటర్ లిస్టు సరిపోలకపోవడం వల్ల చాలా మందికి నోటీసులు వస్తున్నాయనన్నారు. చిన్నపాటి పొరపాట్లు, అక్షర దోషాలు ఉన్నా సరే నోటీసులు జారీ చేస్తున్నారని తెలిపారు. దీనిపై ఎవరూ కంగారు పడవద్దని, తగిన ఆధారాలు చూపించి బీఎల్వోలకు సహకరించి ఓటరు నమోదు ప్రక్రియ సజావుగా జరిగేలా చూడాలని సూచించారు. అధికారులు ప్రజలకు అర్థమయ్యే రీతిలో వివరించాలని కోరారు. ఈ కార్యక్రమంలో మున్సిపల్ కమిషనర్ పర్వతాలు, కౌన్సిలర్లు అంజాద్, నాయకులు కాళ్ల గణేష్, రామ్మోహన్, కో-ఆప్షన్ సభ్యుడు ముబాషీర్ పాల్గొన్నారు.
ఇది కూడా చదవండి..: Vemula Prashanth Reddy | కవిత ఆరోపణలు ఆమె విజ్ఞతకే వదిలేస్తున్నా..: మాజీ మంత్రి వేముల ప్రశాంత్ రెడ్డి
