అక్షరటుడే, వెబ్డెస్క్: Travis Head released | ఇండియన్ ప్రీమియర్ లీగ్ (IPL) 2027 మినీ వేలానికి ముందు సన్రైజర్స్ హైదరాబాద్ (SRH) ఫ్యాన్స్కు దిమ్మతిరిగే వార్త వెలువడింది.
గత కొన్ని సీజన్లుగా ఆరెంజ్ ఆర్మీ బ్యాటింగ్ ఆర్డర్కు వెన్నెముకగా నిలిచి, విధ్వంసకర ఇన్నింగ్స్లతో అలరించిన ఆస్ట్రేలియా స్టార్ ఓపెనర్ ట్రావిస్ హెడ్ను సన్రైజర్స్ జట్టు వదులుకుంది. మెగా వేలానికి ముందు ఏకంగా రూ.14 కోట్ల భారీ ధరకు రిటైన్ చేసుకున్న ఈ మ్యాచ్ విన్నర్కు ఫ్రాంచైజీ గుడ్బై చెప్పడం క్రికెట్ సర్కిల్స్లో చర్చనీయాంశమైంది.
Travis Head released | హెడ్ దూరం కావడానికి అసలు కారణం ఇదే..
ఆస్ట్రేలియా అంతర్జాతీయ జట్టు బిజీ షెడ్యూల్, వరుస సిరీస్ల కారణంగా ఆటగాళ్లపై పడుతున్న పనిభారాన్ని (వర్క్లోడ్ మేనేజ్మెంట్) దృష్టిలో ఉంచుకుని హెడ్ ఈ నిర్ణయం తీసుకున్నారు. 2027 ఐపీఎల్ సీజన్కు తాను అందుబాటులో ఉండలేనని ఆయన ముందుగానే ఫ్రాంచైజీకి స్పష్టం చేశారు. దీంతో చేసేది లేక మేనేజ్మెంట్ ఆయనను రిలీజ్ చేయాల్సి వచ్చింది.
Travis Head released | భారీ ప్రక్షాళన చేపట్టిన ఎస్ఆర్హెచ్
రాబోయే మినీ వేలాన్ని దృష్టిలో ఉంచుకుని సన్రైజర్స్ మేనేజ్మెంట్ జట్టులో భారీ మార్పులకు శ్రీకారం చుట్టింది. ట్రావిస్ హెడ్తో పాటు మొత్తం 9 మంది ఆటగాళ్లను ఫ్రాంచైజీ వదులుకుంది.
విడుదల చేసిన ప్రముఖులు: జయదేవ్ ఉనద్కత్ (రూ.1 కోటి), దక్షిణాఫ్రికా పేసర్ జెరాల్డ్ కొయెట్జీ (రూ.2 కోట్లు), డేవిడ్ పేన్ (రూ.1.5 కోట్లు), శివమ్ మావి (రూ.75 లక్షలు), కమిందు మెండిస్ (రూ.75 లక్షలు), దిల్షాన్ మధుశంక (రూ.75 లక్షలు), ఓంకార్ తర్మలే (రూ.30 లక్షలు), అమిత్ కుమార్ (రూ.30 లక్షలతో పాటు హెడ్) లకు ఎస్ఆర్హెచ్ వీడ్కోలు పలికింది.
Travis Head released | రిటైన్ చేసుకున్న కీలక ఆటగాళ్లు
పాట్ కమిన్స్ నాయకత్వంలోని జట్టులో అభిషేక్ శర్మ, ఇషాన్ కిషన్, హెన్రిచ్ క్లాసెన్, నితీష్ కుమార్ రెడ్డి, బ్రైడన్ కార్స్, నటరాజన్, ఖలీల్ అహ్మద్, నాథన్ ఎల్లిస్ తదితరులను ఫ్రాంచైజీ అంటిపెట్టుకుంది.
ఆటగాళ్లను విడుదల చేయడంతో సన్రైజర్స్ హైదరాబాద్ ఖజానా కళకళలాడుతోంది. డిసెంబర్ 16న గోవా వేదికగా జరగనున్న మినీ వేలంలో ఎస్ఆర్హెచ్ వద్ద ఏకంగా రూ.40.15 కోట్ల భారీ బడ్జెట్ అందుబాటులో ఉంది.
ఈ వేలంలో మొత్తం 7 మంది ఆటగాళ్లను కొనుగోలు చేసే అవకాశం ఉండగా, ఇందులో ముగ్గురు విదేశీ (ఓవర్సీస్) స్లాట్లు ఖాళీగా ఉన్నాయి. ముఖ్యంగా ట్రావిస్ హెడ్ స్థానాన్ని భర్తీ చేసేయగల మరో విధ్వంసకర ఓపెనర్ను దక్కించుకోవడానికి ఆరెంజ్ ఆర్మీ వేలంలో గట్టిగా పోటీ పడే అవకాశాలు కనిపిస్తున్నాయి.
Akshara Today | ప్రజల గొంతుకగా అక్షరటుడే.. డిజిటల్ దిశగా మరో అడుగు..