అక్షరటుడే, వెబ్డెస్క్: TVS iQube S | ప్రముఖ ద్విచక్ర వాహన తయారీ సంస్థ టీవీఎస్ మోటార్ (TVS Motor).. ఈవీ మార్కెట్ లో దూసుకుపోతోంది. తన ఎలక్ట్రిక్ స్కూటర్ పోర్ట్ ఫోలియోను మరింత విస్తరిస్తూ ఐక్యూబ్ సిరీస్ (iQube Series)లో కొత్త వేరియంట్ ను తీసుకువచ్చింది. బ్యాటరీ సామర్థ్యాన్ని మెరుగుపరచడంతోపాటు ఆకర్షణీయమైన రంగులలో దీనిని అందుబాటులోకి తెచ్చింది.
TVS iQube S | బ్యాటరీ సామర్థ్యం..
ఈ స్కూటర్ లో అమర్చిన 4.7 కిలోవాట్ అవర్ బ్యాటరీ ప్యాక్ 5.9 హెచ్పీ శక్తిని, 33 ఎనఎం టార్క్ను అందిస్తుంది. గంటకు 82 కి.మీ.. గరిష్ఠ వేగంతో ప్రయాణించవచ్చు. ఇది 4.3 సెకన్లలోనే 0 నుంచి 40 కి.మీ. వేగాన్ని అందుకుంటుందని కంపెనీ చెబుతోంది.
పోర్టబుల్ చార్జర్తో 0 నుంచి 80 శాతం చార్జింగ్ కావడానికి 4 గంటల సమయం పడుతుంది.
రేంజ్ : ఐడీసీ(IDC) సర్టిఫికేషన్ ప్రకారం ఈ స్కూటర్ ఒక్కసారి పూర్తిస్థాయిలో చార్జ్ చేస్తే 175 కిలోమీటర్లు ప్రయాణించవచ్చు.
కలర్ ఆప్షన్లు : మాగ్నిఫిసెన్స్ పర్పుల్ బీజ్ , హార్లెక్విన్ బ్లూ బీజ్ , టైటానియం గ్రే మ్యాట్ వంటి సరికొత్త కలర్ ఆప్షన్లలో కొత్త వేరియంట్ ను తీసుకువచ్చారు.
ధర : ఈ స్కూటర్ ఎక్స్ షోరూమ్ ధరను రూ.1,37,142 గా నిర్ణయించారు.
TVS iQube S | ఇతర ఫీచర్లు..
ఇందులో స్మార్ట్ఫోన్ కనెక్టివిటీ, నావిగేషన్ సపోర్ట్, రైడ్ అనలిటిక్స్, నోటిఫికేషన్స్, రివర్స్ మోడ్, క్రాష్ అలర్ట్, ఫాల్ అలర్ట్, యాంటీ థెఫ్ట్ అలర్ట్ వంటి ఫీచర్లున్నాయి.
ఇది కూడా చదవండి..: Today Stock Market | ఒడిదుడుకుల్లో మార్కెట్లు..
