అక్షరటుడే వెబ్డెస్క్: Ujjivan Brand Campaign | దేశవ్యాప్తంగా 26 రాష్ట్రాలు, కేంద్ర పాలిత ప్రాంతాల్లో 800లకు పైగా బ్రాంచ్లతో కోటికి పైగా కస్టమర్లకు సేవనందిస్తున్న ఉజ్జీవన్ స్మాల్ ఫైనాన్స్ బ్యాంక్ లిమిటెడ్ (Ujjivan SFB).. తాజాగా ‘నథింగ్ స్మాల్ అబౌట్ అస్’ (Nothing Small About Us) పేరుతో ఒక కొత్త బ్రాండ్ క్యాంపెయిన్ను ప్రారంభించింది. ప్రముఖ నటుడు, పద్మశ్రీ అవార్డు గ్రహీత ఆర్. మాధవన్ (R. Madhavan) ఈ క్యాంపెయిన్కు బ్రాండ్ అంబాసిడర్గా వ్యవహరిస్తున్నారు.
Ujjivan Brand Campaign | అపోహను తొలగించేలా..
బ్యాంకు పేరులో ‘స్మాల్’ (Small) అనే పదం ఉండటం వల్ల.. ఇది కేవలం చిన్న మొత్తాల ఆర్థిక అవసరాలను ( Financial Services ) మాత్రమే తీరుస్తుందని, పరిమితమైన సేవలు లేదా చిన్న స్థాయిలోనే పనిచేస్తుందనే అపోహ కొందరిలో ఉంటుంది. ఉజ్జీవన్ ప్రస్తుత స్థాయి ఏంటో, దాని సేవలు ఎంత విస్తృతంగా ఉన్నాయో తెలియజేయడమే ఈ క్యాంపెయిన్ ముఖ్య ఉద్దేశం.
విస్తృతమైన బ్యాంకింగ్ సేవలు..
ప్రస్తుతం ఉజ్జీవన్ సేవింగ్స్, డిపాజిట్లు, లెండింగ్, బిజినెస్ బ్యాంకింగ్, ఫారెక్స్, ఎన్ఆర్ఐ (NRI) సేవలతో పాటు ఇన్వెస్ట్మెంట్, వెల్త్ సొల్యూషన్స్ వంటి సమగ్ర బ్యాంకింగ్ సేవలను అందిస్తోంది. అంతేకాకుండా, రూ. 6,000 నుంచి రూ. 250 కోట్ల వరకు వివిధ రకాల రుణాలను అందజేస్తూ విభిన్న ఆర్థిక అవసరాలు ఉన్న కస్టమర్లకు అండగా నిలుస్తోంది.
Ujjivan Brand Campaign | అంచనాలకు తగ్గట్టుగా ..
ఈ క్యాంపెయిన్ గురించి ఉజ్జీవన్ స్మాల్ ఫైనాన్స్ బ్యాంక్ చీఫ్ మార్కెటింగ్ ఆఫీసర్ లక్ష్మణ్ వెలయుతం మాట్లాడుతూ.. మా బ్యాంకు పేరులో ఉన్న ‘స్మాల్’ పదం చూసి మా సేవలు, పరిమితులు చిన్నవిగా ఉంటాయని చాలామంది భావిస్తుంటారని, కానీ నేడు ఉజ్జీవన్ చాలా విస్తృతమైన సేవలతో ముందుకు సాగుతోందని తెలిపారు. మా బ్రాండ్ విలువలకు, నమ్మకానికి ఆర్. మాధవన్ పూర్తి సరిగ్గా సరిపోతారని పేర్కొన్నారు.
బ్రాండ్ అంబాసిడర్గా బాధ్యతలు స్వీకరించడంపై ఆర్. మాధవన్ స్పందిస్తూ.. ఉజ్జీవన్తో అనుబంధం ఏర్పరచుకునే ముందు తాను బ్యాంకు ప్రయాణం, వారు సాధించిన విజయాలపై పూర్తిగా పరిశోధన చేశానని, నిజంగానే వారిలో ఏదీ చిన్నది కాదని తెలిపారు. ఈ క్యాంపెయిన్ను టెలివిజన్, ప్రింట్, డిజిటల్, ఓటీటీ, సోషల్ మీడియా , బ్యాంక్ బ్రాంచ్ల ద్వారా విస్తృతంగా ప్రచారం చేయనున్నారు.
ఇది కూడా చదవండి: Danam Nagender | సుప్రీంకోర్టుకు వెళ్లే ఆలోచన లేదు.. దానం నాగేందర్ కీలక వ్యాఖ్యలు
