అక్షరటుడే వెబ్డెస్క్: CPS 950-300 Compressor | డ్రిల్లింగ్ రంగంలో సరికొత్త విప్లవానికి తెరలేపుతూ చికాగో న్యుమాటిక్ ఇండియా ( India )సంస్థ తన నూతన ‘CPS 950-300’ పోర్టబుల్ ఎయిర్ కంప్రెసర్ను మార్కెట్లోకి విడుదల చేసింది. నీటి బావులు, గనుల తవ్వకం, సోలార్ ఫౌండేషన్ ప్రాజెక్టుల్లో కాంట్రాక్టర్లు ఎదుర్కొంటున్న సవాళ్లను అధిగమించేలా ఈ అత్యాధునిక పరికరాన్ని తీర్చిదిద్దారు. అత్యధిక గాలి బట్వాడా సామర్థ్యం, ఇంధన ఆదా , మెరుగైన పనితీరుతో ప్రాజెక్టులను వేగంగా పూర్తి చేయడానికి ఇది ఎంతగానో ఉపయోగపడుతుంది.
ప్రస్తుతం డ్రిల్లింగ్ రంగంలో పెరుగుతున్న నిర్వహణ ఖర్చులు, లోతైన డ్రిల్లింగ్ అవసరాలు, కఠినమైన భూగర్భ పరిస్థితులు , గడువులోగా పనులు పూర్తి చేయాల్సిన ఒత్తిడి కాంట్రాక్టర్లపై ఉంది. ముఖ్యంగా సౌర విద్యుత్ ప్రాజెక్టుల విస్తరణ కారణంగా భారీ సంఖ్యలో పునాది రంధ్రాల తవ్వకానికి డిమాండ్ పెరిగింది. ఈ నేపథ్యంలో కాంట్రాక్టర్లకు అండగా నిలిచేలా ఈ కంప్రెసర్ను రూపొందించారు.
CPS 950-300 Compressor | నూతన సవాళ్లకు చెక్..
ప్రస్తుత రోజుల్లో కాంట్రాక్టర్లు లోతైన డ్రిల్లింగ్ అవసరాలు, కష్టమైన భూగర్భ పరిస్థితులు, తగ్గుతున్న భూగర్భ జలాలు , కఠినమైన ప్రాజెక్ట్ గడువులతో పోరాడుతున్నారు. ఇదే సమయంలో సౌర మౌలిక సదుపాయాల అభివృద్ధి పెరగడంతో భారీ పరిమాణంలో పునాది రంధ్రాల తవ్వకానికి డిమాండ్ ఏర్పడింది. ఉత్పాదకత, ఖచ్చితత్వం అవసరమైన ఈ తరుణంలో ఈ కొత్త కంప్రెసర్ ఎంతో ప్రయోజనకరంగా ఉంటుందని సంస్థ వెల్లడించింది.
అత్యుత్తమ పనితీరు..
ఈ కొత్త కంప్రెసర్ 300 psig పీడనంతో 950 cfm గాలి ప్రవాహాన్ని అందిస్తుంది. ఇది అత్యంత కఠినమైన గొట్టపు బావి , పునాది డ్రిల్లింగ్ పనులకు కావలసిన గాలి పీడనాన్ని ఖచ్చితంగా కేటాయిస్తుంది. సుమారు 800 అడుగుల లోతు వరకు డ్రిల్లింగ్ చేయడానికి ఇది అనుకూలంగా ఉంటుంది. అలాగే రంధ్రాలను శుభ్రం చేసే ప్రక్రియను కూడా ఇది సమర్థవంతంగా నిర్వహిస్తుంది.
CPS 950-300 Compressor | నిర్వహణ ఖర్చుల తగ్గింపు..
సాధారణ మోడళ్లతో పోలిస్తే ఇది 10 శాతం వరకు అధిక ఇంధన సామర్థ్యాన్ని కలిగి ఉంటుంది. దీనివల్ల కఠినమైన డ్రిల్లింగ్ పనుల సమయంలోనూ ఇంధన వినియోగం తగ్గి ఆపరేటింగ్ ఖర్చులు నియంత్రణలో ఉంటాయి. అలాగే ట్రక్కులు లేదా ఎక్స్కవేటర్లపై సులభంగా అమర్చుకునే వీలుండటం, సింగిల్ సైడ్ డిజైన్ ద్వారా మెయింటెనెన్స్ పనులు సులభం కావడం దీని ప్రత్యేకతలు.
విస్తృత అవకాశాలు..
నీటి బావుల తవ్వకం, బొగ్గు, ఇనుప ఖనిజం మైనింగ్, సోలార్ పునాది తవ్వకాలు వంటి విభిన్న ప్రాజెక్టులకు ఇది సరిగ్గా సరిపోతుంది. ఈ పరికరాన్ని వినియోగించడం ద్వారా కాంట్రాక్టర్లు తమ సర్వీస్ ఆఫరింగ్స్ను విస్తరించుకోవడంతో పాటు, అదనపు ఆదాయం పొందే అవకాశాలు మెరుగవుతాయని అట్లాస్ కాప్కో (ఇండియా) పవర్ టెక్నిక్ జనరల్ మేనేజర్ ప్రసన్న కులకర్ణి పేర్కొన్నారు.
ఇది కూడా చదవండి: Danam Nagender | సుప్రీంకోర్టుకు వెళ్లే ఆలోచన లేదు.. దానం నాగేందర్ కీలక వ్యాఖ్యలు
