అక్షరటుడే, వెబ్డెస్క్: Vishal Sponsorship | నటుడు ‘నడిగర్ సంఘం’ (నటుల సంఘం) ప్రధాన కార్యదర్శి విశాల్, తమిళనాడు ముఖ్యమంత్రి విజయ్ను కలిసిన తర్వాత ఒక భావోద్వేగ సందేశాన్ని రాశారు. పదవులు మారినప్పటికీ, విజయ్తో తనకున్న అనుబంధం మాత్రం అలాగే ఉందని పేర్కొన్న ఆయన, విజయ్ గౌరవార్థం ఒక విద్యా స్పాన్సర్షిప్ కార్యక్రమాన్ని ప్రకటించారు.
లయోలా కాలేజీ (Loyola College) రోజుల్లో పరిచయమైనప్పటి నుంచి విజయ్ను “డార్లింగ్” అని పిలుస్తున్నట్లు తెలిపిన విశాల్ తెలిపారు. విజయ్ సామాన్య నటుడి నుంచి “సూపర్స్టార్”గా, ఆపై తమిళనాడు ముఖ్యమంత్రి (Tamilnadu CM)గా ఎదిగినప్పటికీ ఆ సంబోధనలో ఎలాంటి మార్పు రాలేదని పేర్కొన్నారు. ఈ సమావేశం తనకు ఎంతో ఆనందాన్ని ఇచ్చిందని పేర్కొన్నారు. గత కొన్నేళ్లుగా రాజకీయ నాయకులతో తనకున్న పరిచయాలను గుర్తు చేసుకున్నారు. కలైజ్ఞర్, జయలలిత, స్టాలిన్, ఉదయనిధి వంటి నాయకులతో వ్యక్తిగత పరిచయం ఉన్నప్పుడు ఆప్యాయతను కొనసాగించడం తనకు ఎప్పుడూ సహజంగా అనిపించేదని ఆయన తెలిపారు.
Vishal Sponsorship | ముగ్గురు విద్యార్థులకు
సమావేశం సందర్భంగా సాధారణంగా ఇచ్చే పూలగుచ్ఛం లేదా శాలువాకు బదులుగా, ఆ డబ్బును తమిళనాడులోని ముగ్గురు నిరుపేద బాలికల విద్యకు విజయ్ పేరుతో ఆర్థిక సహాయం చేయడానికి ఉపయోగించినట్లు విశాల్ తెలిపారు. ముఖ్యమంత్రికి రాసిన లేఖలో, విజయ్ ప్రస్థానం, ప్రజాసేవ పట్ల ఆయనకున్న అంకితభావం ఎంతోమంది యువతకు స్ఫూర్తినిచ్చాయని విశాల్ పేర్కొన్నారు. ఆ విద్యార్థుల చదువుకు మద్దతు ఇవ్వడం ద్వారా “గౌరవం మరియు అభిమానంతో కూడిన ఒక చిన్న ప్రయత్నం” చేయాలనుకుంటున్నట్లు ఆయన తెలిపారు. కేవలం లాంఛనప్రాయమైన బహుమతుల కంటే, ఒక బిడ్డ చదువుకు తోడ్పడటం మరింత శాశ్వతమైన ప్రభావాన్ని చూపుతుందని ఆయన అభిప్రాయపడ్డారు.
ఇది కూడా చదవండి..: Telegram Ban India | కేంద్రం సంచలన నిర్ణయం.. టెలిగ్రామ్పై ఆంక్షలు
