అక్షరటుడే, ఎల్లారెడ్డి: Yellareddy Municipal Meeting | పట్టణంలోని పురపాలక సంఘ కార్యాలయంలో (Yellareddy Municipality) శుక్రవారం ఛైర్మన్ శ్రీకాంత్ అధ్యక్షతన సాధారణ సమావేశం నిర్వహించారు. పట్టణాభివృద్ధి, ప్రజా సమస్యల పరిష్కారానికి సంబంధించిన పలు కీలక అంశాలను కౌన్సిల్ సభ్యులు ఏకగ్రీవంగా ఆమోదించి తీర్మానించారు.
Yellareddy Municipal Meeting | వార్డుల్లో నీటి ఎద్దడి నివారణకు..
పురపాలక సంఘ పరిధిలోని అన్ని వార్డులలో (Water Supply Projects) నీటి ఎద్దడి సమస్యను నివారించేందుకు కొత్త బోరు మోటార్ల కొనుగోలు కోసం రూ. 20 లక్షల నిధులను కేటాయించారు. వీధి దీపాల సమస్య పరిష్కారం కోసం 36వాట్స్, 50వాట్స్, 100వాట్స్ సామర్థ్యంతో హైమాస్ట్ లైట్ల కొనుగోలుకు రూ.10 లక్షలు మంజూరు చేశారు. అలాగే పలు వార్డుల్లో కల్వర్టులు, చిన్న మురికి కాలువల నిర్మాణం కోసం మరో రూ.10 లక్షలను ఆమోదించారు.
Yellareddy Municipal Meeting | పారిశుధ్య సిబ్బంది సంక్షేమం దృష్ట్యా..
పారిశుధ్య సిబ్బంది(Sanitation Workers) సంక్షేమం దృష్ట్యా వారికి నెలసరి సబ్బులు, ఇతర అవసరమైన వస్తువులను అందించడంతో పాటు కార్యాలయ సిబ్బంది అందరికీ రూ.10 లక్షల హెల్త్ ఇన్సూరెన్స్ కల్పించాలని తీర్మానించారు. రానున్న వర్షాకాలాన్ని దృష్టిలో ఉంచుకుని పట్టణ ప్రజలు దోమల బారిన పడకుండా ముందస్తు చర్యలు చేపట్టాలని నిర్ణయించారు. ప్రజల అవసరాల నిమిత్తం బాడీ ఫ్రీజర్ను కొనుగోలు చేయడానికి, పట్టణంలో కోతులు, పందులు, కుక్కల బెడదను నివారించేందుకు తగు చర్యలు తీసుకోవాలని కౌన్సిల్ ఏకగ్రీవంగా తీర్మానించింది. సమావేశంలో వైస్ఛైర్మన్ భాగ్యమ్మ, కౌన్సిలర్లు, కోఆప్షన్ సభ్యులు, మున్సిపల్ కమిషనర్ జీవన్ పాల్గొన్నారు.
ఇది కూడా చదవండి: PCC Chief Comments | ‘మీడియా’ కథనాలపై పీసీసీ చీఫ్ కీలక వ్యాఖ్యలు
