అక్షరటుడే వెబ్డెస్క్: Zetwerk IPO | పారిశ్రామిక, వినియోగ ఉత్పత్తుల తయారీ సంస్థ ‘జెట్వెర్క్’ పబ్లిక్ ఇష్యూ (ఐపీవో) కోసం సిద్ధమైంది. ఇందులో భాగంగా మార్కెట్ల నియంత్రణ సంస్థ సెబీకి అప్డేట్ చేసిన ముసాయిదా ప్రాస్పెక్టస్ను (UDRHP) దాఖలు చేసింది. తాజా షేర్ల జారీ ద్వారా మార్కెట్ నుంచి రూ. 2,600 కోట్లను సమీకరించాలని కంపెనీ లక్ష్యంగా నిర్దేశించుకుంది. ఈ నిధులతో అప్పులు తీర్చడంతో పాటుగా, భవిష్యత్తు వ్యాపార విస్తరణ కోసం వ్యూహరచన చేస్తోంది.
Zetwerk IPO | జెట్వెర్క్ ఐపీవో ప్రత్యేకతలు..
పారిశ్రామిక, వినియోగ ఉత్పత్తులకు సంబంధించిన టెక్నాలజీ ఆధారిత జెట్వెర్క్ సంస్థ అప్డేట్ చేసిన ముసాయిదా ప్రాస్పెక్టస్ను మార్కెట్ల నియంత్రణ సంస్థ సెబీకి సమర్పించింది. దీని ప్రకారం ఐపీవో కింద రూ. 2,600 కోట్ల విలువ చేసే షేర్లను తాజాగా జారీ చేయనుండగా, ఆఫర్ ఫర్ సేల్ విధానంలో సెల్లింగ్ షేర్హోల్డర్లు 9,68,37,455 షేర్లను విక్రయించనున్నారు. ఒక్కో షేరు ముఖ విలువ రూ. 1గా ఉంటుంది. నికరంగా సమీకరించిన నిధుల్లో రూ. 1,250 కోట్ల మొత్తాన్ని కంపెనీ తీసుకున్న రుణాలను, మరో రూ. 550 కోట్లను అనుబంధ సంస్థలు తీసుకున్న రుణాలను తీర్చివేసేందుకు, మిగతా మొత్తాన్ని ఇతరత్రా కార్పొరేట్ అవసరాలు, ఇతర సంస్థల కొనుగోళ్లు మొదలైన అవసరాల కోసం సంస్థ వినియోగించుకోనుంది.
Zetwerk IPO | వ్యాపార వృద్ధి..
ఐఐటీ మద్రాస్ పూర్వ విద్యార్థులైన అమృత్ ప్రతీక్ ఆచార్య, శ్రీనాథ్ రామకృష్ణన్ ఈ సంస్థకు ప్రమోటర్లుగా ఉన్నారు. దాదాపు 8 సంవత్సరాలుగా కార్యకలాపాలు సాగిస్తున్న కంపెనీకి భారత్, అమెరికా, జర్మనీ, స్పెయిన్ వ్యాప్తంగా 26 సొంత తయారీ ప్లాంట్లు ఉండగా, పలు దేశాల్లో 6,979 పైచిలుకు థర్డ్ పార్టీ సరఫరాదారుల నెట్వర్క్ ఉంది. సీమెన్స్ గేమ్సా, ఏసర్ ఇండియా, సీజీ పవర్ తదితర సంస్థలు దీనికి కస్టమర్లుగా ఉన్నాయి. 2026 ఆర్థిక సంవత్సరంలో ఆదాయం సుమారు 40.43 శాతం పెరిగి రూ. 11,332 కోట్ల నుంచి రూ. 15,913 కోట్లకు చేరింది. తయారీ ఆర్డర్ బుక్ 2024 ఆర్థిక సంవత్సరంలో రూ. 6,170 కోట్లుగా ఉండగా 2026 ఆర్థిక సంవత్సరంలో రెట్టింపై రూ. 12,370 కోట్లకు చేరుకుంది. సవరించిన PBT రూ. 248.8 కోట్ల నష్టం నుంచి రూ. 45.7 కోట్ల లాభానికి చేరుకుంది.
Zetwerk IPO | అగ్మోంట్ ఎంటర్ప్రైజెస్ ఐపీవో షెడ్యూల్..
అగ్మోంట్ ఎంటర్ప్రైజెస్ లిమిటెడ్ ఇనిషియల్ పబ్లిక్ ఆఫర్ ఆగస్టు 21, 2026 న ప్రారంభం కానుంది. యాంకర్ ఇన్వెస్టర్ల బిడ్డింగ్ తేదీ గురువారం, ఆగస్టు 20, 2026 కాగా, ఐపీవో ముగింపు తేదీ మంగళవారం, ఆగస్టు 25, 2026గా ఉంది. ఆఫర్ ప్రైస్ బ్యాండ్ ఒక్కో ఈక్విటీ షేరుకు రూ. 750 నుంచి రూ. 788 వరకు నిర్ణయించారు. కనిష్టంగా 19 ఈక్విటీ షేర్లకు, ఆపై దాని గుణిజాలలో బిడ్లు దాఖలు చేయవచ్చు. ఫ్లోర్ ప్రైస్ , క్యాప్ ప్రైస్ ముఖ విలువకు యథాక్రమేణ 150.00 , 157.60 రెట్లు ఉన్నాయి. 2026 ఆర్థిక సంవత్సరానికి సంబంధించి కంపెనీ P/E నిష్పత్తి దిగువ ముగింపు వద్ద 18.54 రెట్లు, ఎగువ ముగింపు వద్ద 19.48 రెట్లుగా ఉంది. గత మూడు ఆర్థిక సంవత్సరాల వెయిటెడ్ యావరేజ్ రిటర్న్ ఆన్ నెట్ వర్త్ 55.25%గా నమోదైంది.
Zetwerk IPO | లిస్టింగ్ వివరాలు..
రూ. 825 కోట్ల ఈ ఆఫర్లో భాగంగా రూ. 620 కోట్ల వరకు తాజా ఈక్విటీ షేర్ల జారీ , రూ. 205 కోట్ల వరకు ఆఫర్ ఫర్ సేల్ ఉన్నాయి. ఇందులో నమిత కేతన్ కొఠారి (రూ. 69.4 కోట్లు), వివేక్ పృథ్వీరాజ్ కొఠారి (రూ. 69.4 కోట్లు), డింపుల్ ముకేష్ కొఠారి (రూ. 66.2 కోట్లు) వంటి వాటాదారులు షేర్లను విక్రయించనున్నారు. అలాగే అర్హులైన ఉద్యోగుల కోసం రూ. 4 కోట్ల వరకు షేర్లు రిజర్వ్ చేసారు. ఈ ఆఫర్ బుక్ బిల్డింగ్ ప్రక్రియ ద్వారా జరుగనుండగా, నేషనల్ స్టాక్ ఎక్స్ఛేంజ్ (NSE), బాంబే స్టాక్ ఎక్స్ఛేంజ్ (BSE)లలో షేర్లు లిస్ట్ కానున్నాయి. ఈ ఆఫర్కు నువామా వెల్త్ మేనేజ్మెంట్, ఇంటెన్సివ్ ఫిస్కల్ సర్వీసెస్, జేఎం ఫైనాన్షియల్ , మోతీలాల్ ఓస్వాల్ ఇన్వెస్ట్మెంట్ అడ్వైజర్స్ సంస్థలు బుక్ రన్నింగ్ లీడ్ మేనేజర్లుగా వ్యవహరిస్తున్నాయి.
ఇది కూడా చదవండి: Bajireddy Govardhan | సీఎం రేవంత్ రెడ్డిని పడగొట్టేది ఎమ్మెల్యేలే : మాజీ ఎమ్మెల్యే బాజిరెడ్డి గోవర్ధన్
