అక్షరటుడే, వెబ్డెస్క్ : Balka Suman Arrest | బీఆర్ఎస్ నాయకుడు, మాజీ ఎమ్మెల్యే బాల్క సుమన్ను పోలీసులు అరెస్ట్ చేశారు. తెలంగాణ భవన్లో నాంపల్లి పోలీసులు (Nampally Police) ఆయనను అదుపులోకి తీసుకున్నారు.
ప్రభుత్వ ఆస్తులు ధ్వంసం చేయాలని ఇటీవల బాల్క సుమన్ వ్యాఖ్యలు చేసిన విషయం తెలిసిందే. దీంతో ఆయనపై కాంగ్రెస్ నాయకులు నాంపల్లి ఠాణాలో ఫిర్యాదు చేశారు. ఈ మేరకు కేసు నమోదు చేసిన పోలీసులు శనివారం ఉదయం ఆయనను అరెస్ట్ చేయడానికి తెలంగాణ భవన్కు వచ్చారు.
Balka Suman Arrest |ఉద్రిక్తత నడుమ..
బాల్క సుమన్ అరెస్ట్ సమయంలో తీవ్ర ఉద్రిక్తత చోటు చేసుకుంది. తెలంగాణ భవన్ (Telangana Bhavan) లోపల బాల్క సుమన్ ఉండగా.. బయట భారీగా పోలీసులు మోహరించారు. ఆయనను అరెస్ట్ చేస్తారనే సమాచారంతో బీఆర్ఎస్ కార్యకర్తలు పెద్ద ఎత్తున తరలి వచ్చారు. పోలీసులు గో బ్యాక్ అంటూ బీఆర్ఎస్ శ్రేణులు నినాదాలు చేశారు. పోలీసులతో బీఆర్ఎస్ కార్యకర్తల వాగ్వాదం చోటు చేసుకుంది. కాగా సుమన్పై ఆరు సెక్షన్ల కింద కేసు నమోదు అయింది. విచారణలో భాగంగా తీసుకెళ్లేందుకు వచ్చామని ఏసీపీ ప్రవీణ్ తెలిపారు. ఎట్టకేలకు ఆయనను అరెస్ట్ చేసి నాంపల్లి పోలీస్ స్టేషన్కు తరలించారు.
Balka Suman Arrest | అసలు ఏం జరిగిందంటే..
బాల్క సుమన్ ఇటీవల మాట్లాడుతూ రెచ్చగొట్టే వ్యాఖ్యలు చేశారు. సింగరేణి ఆస్తులు తగలబెట్టాలని, రైలు పట్టాలను కొసేయాలని వ్యాఖ్యలు చేశారు. ధర్నాలకు ప్రజలు రావడం లేదని, మిలిటెంట్ యాక్టివిటీలు చేయాలని కార్యకర్తలకు సూచించారు. ఈ వీడియో సోషల్ మీడియాలో వైరల్ అయింది. దీంతో కాంగ్రెస్ నేతలు బాల్క సుమన్పై పోలీసులకు ఫిర్యాదు చేశారు. ప్రభుత్వ ఆస్తులు ధ్వంసం చేయాలని పిలుపునిచ్చిన ఆయనపై చర్యలు తీసుకోవాలని కోరారు. ఈ మేరకు ఆయనను అరెస్ట్ చేశారు.
ఇది కూడా చదవండి..: Ande Sri Smruti Vanam | ‘అందెశ్రీ’ స్మృతి వనంపై పట్టింపు కరువు.. ఓట్ల కోసం పక్క రాష్ట్ర నేతల విగ్రహాల ఏర్పాటు
