అక్షరటుడే, కామారెడ్డి: Phone Explosion | చాలామందికి షర్ట్ జేబులో సెల్ఫోన్ పెట్టుకోవడం అలవాటు. అయితే ఈ ఎండాకాలంలో పైజేబులో సెల్ పెట్టుకునేవాళ్లు జాగ్రత్తగా ఉండాల్సిందే.. భానుడి భగభగల కారణంగా ఫోన్లు పేలిపోయే (Mobile Safety) ప్రమాదం ఉంది. నిజాంసాగర్( Nizamsagar) మండలంలో శుక్రవారం ఇలాంటి ఘటనే చోటుచేసుకుంది.
Phone Explosion | నిజాంసాగర్ మండలం మగ్దుంపూర్లో..
మండలంలోని మగ్దుంపూర్ మాజీ సర్పంచ్ చంద్రగౌడ్ పని నిమిత్తం బయటకు వెళ్తూ.. జేబులో సెల్ఫోన్ పెట్టుకున్నాడు. ఈ క్రమంలో మిట్టమధ్యాహ్నం ఎండ వేడిమికి జేబులోని సెల్ఫోన్ ఒక్కసారిగా (Smartphone Blast)పేలిపోయింది. దీంతో ఆయన షర్ట్ జేబు కొద్దిమేర కాలిపోయింది. వెంటనే అప్రమత్తమైన చంద్రగౌడ్ ఫోన్ తీసి కింద పడేశాడు. దీంతో ప్రమాదం నుంచి ఆయన తప్పించుకున్నాడు. ఎండలు ముండిపోతున్న వేళ సెల్ఫోన్లతో జాగ్రత్తగా ఉండాలని పలువురు వ్యాఖ్యానించారు.
