అక్షరటుడే, వెబ్డెస్క్: American Tears Indian Flag | భారత విద్యార్థులు, సాఫ్ట్వేర్ ఉద్యోగులకు అమెరికా కలల దేశం. అక్కడకు వెళ్లి సెటిల్ కావాలని ఎంతో మంది కలలు కంటారు. ఇప్పటికే లక్షలాది మంది అక్కడ నివాసం ఉంటున్నారు. అయితే రానున్న రోజుల్లో భారతీయులకు అమెరికా (America) అంత సురక్షితం కాదన్న అభిప్రాయం వ్యక్తం అవుతోంది.
పలువురు అమెరికన్లు భారతీయులపై ద్వేషం పెంచుకుంటున్నారు. ఇటీవల ఓ వ్యక్తి ఇక్కడ ఎందుకు ఉంటున్నారు.. భారత్ (India) వెళ్లిపొండి అంటూ అసభ్య పదజాలంతో దూషించిన వీడియో వైరల్ అయిన విషయం తెలిసిందే. తాజాగా మరో వ్యక్తి ఏకంగా భారత జెండాను చింపేశాడు. అతడు జెండాను చింపుతుండుగా.. పలువురు కేరింతలు కొడుతూ అతడికి మద్దతుగా నిలవడం వారిలో భారత వ్యతిరేకతకు అద్దం పడుతోంది.
American Tears Indian Flag | టెక్సాస్లో..
టెక్సాస్కు చెందిన ఓ వ్యక్తి భారత జాతీయ జెండాను చించివేస్తున్న వీడియో ఆన్లైన్లో తీవ్ర ఆగ్రహాన్ని రేకెత్తించింది. ఆ పోస్ట్ ప్రకారం, ఈ సంఘటన టెక్సాస్లోని ఫ్రిస్కోలో జరిగింది. ఆ వీడియోలో, నోటిలో సిగరెట్తో సిటీ హాల్ బయట నిలబడి ఉన్న ఒక వ్యక్తి, తన చుట్టూ ఉన్న పలువురు కేరింతలు కొడుతుండగా భారత జెండాను చంపేశాడు. ఉత్తర డల్లాస్లో భారత వలసలకు వ్యతిరేకంగా స్థానికులు ఆగ్రహాన్ని వ్యక్తం చేస్తున్నారు.
American Tears Indian Flag | ఇది సరికాదు
ఈ వీడియో సోషల్ మీడియా (Social Media) వైరల్ కావడంతో నెటిజన్లు ఆగ్రహం వ్యక్తం చేస్తున్నారు. భారతీయులతో పాటు పలువురు అమెరికన్లు సైతం అతడి చర్యను తప్పు బడుతున్నారు. ఈ వలసదారులు చట్టబద్ధంగా వచ్చారు. యూఎస్ రాజ్యాంగం ప్రకారం వారికి హక్కులు ఉన్నాయి. మీరు మర్యాదగా, గౌరవంగా మీ అభిప్రాయాన్ని తెలియజేయవచ్చు. కానీ ఇది మాత్రం సరికాదని ఓ వ్యక్తి పోస్ట్ చేశారు.
American Tears Indian Flag | పెరుగుతున్న ద్వేషం
భారత్కు చెందిన ఎంతో మంది నైపుణ్యం కలిగిన వారు హెచ్–1బీ వీసాలతో అగ్రరాజ్యం అమెరికాలో కొలువులు చేస్తున్నారు. లక్షలాది మంది విద్యార్థులు అక్కడకు వెళ్లి చదువుకుంటున్నారు. అక్కడి యూనివర్సిటీలకు భారత విద్యార్థులు ఏటా రూ.వేల కోట్లు చెల్లిస్తున్నారు. అయితే భారతీయుల జనాభా పెరుగుతుండటం, స్థానిక యువతకు ఉపాధి లభించకపోవడంతో కొంతమంది అమెరికన్లలో భారతీయులపై ద్వేషం పెంచుకుంటున్నారు. ఈ క్రమంలో దాడులకు తెగబడుతున్నారు. బహిరంగ ప్రదేశాల్లో అవమానిస్తున్నారు. ఇలాంటి చర్యలపై కేంద్ర ప్రభుత్వం స్పందించాలని పలువురు కోరుతున్నారు. అమెరికాలోని భారతీయుల రక్షణకు చర్యలు చేపట్టాలని సూచిస్తున్నారు.
తారా స్థాయికి చేరిన పిచ్చి!
అమెరికాలోనీ టెక్సాస్ రాష్ట్రంలో భారతీయ జెండాను చంపేసిన స్థానికుడు!
— UttarandhraNow (@UttarandhraNow) June 3, 2026
ఇది కూడా చదవండి..: Germany Transit Visa | భారతీయులకు జర్మనీ బంపర్ ఆఫర్: ఇకపై ఎయిర్పోర్ట్ ట్రాన్సిట్ వీసా లేకుండానే..
