అక్షరటుడే వెబ్డెస్క్: Greece F-4 Crash | గ్రీస్ రాజధాని ఏథెన్స్ సమీపంలోని తనగ్రా ఎయిర్ బేస్లో జరిగిన వార్షికోత్సవ వేడుకలు తీవ్ర విషాదంగా మారాయి. ఎయిర్ షోలో భాగంగా విన్యాసాలు ప్రదర్శిస్తున్న గ్రీక్ వాయుసేనకు చెందిన ఎఫ్-4 ఫాంటమ్ (F-4 Phantom) యుద్ధ విమానం ఒక్కసారిగా అదుపుతప్పి నేలపై కుప్పకూలింది. ఈ దుర్ఘటనలో విమానాన్ని నడుపుతున్న ఇద్దరు పైలట్లు అక్కడికక్కడే ప్రాణాలు కోల్పోయారు.
Greece F-4 Crash | భారీగా మంటలు ..
యుద్ధ విమానం నేలను ఢీకొన్న వెంటనే భారీగా మంటలు చెలరేగి పూర్తిగా దగ్ధమైంది. ఈ విన్యాసాలను చూసేందుకు వేలాది మంది ప్రజలు అక్కడికి తరలివచ్చారు. అయితే, ప్రమాద సమయంలో విమానం ప్రేక్షకులున్న ప్రాంతానికి దూరంగా పడిపోవడంతో పెను ప్రాణనష్టం తప్పిందని, సందర్శకులెవరికీ గాయాలు కాలేదని అధికారులు వెల్లడించడంతో అందరూ ఊపిరి పీల్చుకున్నారు.
ఈ విషాదకర ఘటనతో ఎయిర్ బేస్లో తీవ్ర విషాద ఛాయలు అలుముకున్నాయి. విమానం గాల్లో చక్కర్లు కొడుతూ అకస్మాత్తుగా నేలకూలిన భయానక దృశ్యాలు ప్రస్తుతం సోషల్ మీడియాలో వైరల్గా మారాయి. ఈ ప్రమాదానికి సాంకేతిక లోపమే కారణమా లేక వేరే ఇతర కారణాలు ఉన్నాయా అనే కోణంలో గ్రీక్ రక్షణ దళాలు ఉన్నత స్థాయి దర్యాప్తునకు ఆదేశించాయి.
WATCH: The moment a Greek Air Force F-4 Phantom crashes during an aerial display at Tanagra Air Base. pic.twitter.com/Sa8n5kelYr
— Clash Report (@clashreport) September 5, 2026
ఇది కూడా చదవండి: Monkey Menace | కోతుల బెడద నివారణకు వినూత్నప్రయోగం..
