అక్షరటుడే, వెబ్డెస్క్: Annamalai New Party | తమిళనాడు రాజకీయాల్లో అనూహ్య పరిణామం చోటుచేసుకుంది. రాష్ట్ర బీజేపీ మాజీ అధ్యక్షుడు, మాజీ ఐపీఎస్ అధికారి కె. అన్నామలై సంచలన నిర్ణయం తీసుకున్నారు. భారతీయ జనతా పార్టీ (BJP) ప్రాథమిక సభ్యత్వానికి రాజీనామా చేసిన ఆయన.. తన భవిష్యత్తు కార్యాచరణను అధికారికంగా ప్రకటించారు.
తమిళనాడులో సరికొత్త రాజకీయ ఒరవడిని సృష్టిస్తూ.. ఒక బలమైన ‘మూవ్మెంట్’ (ఉద్యమం) ద్వారా త్వరలోనే ఒక నూతన రాజకీయ పార్టీని స్థాపించబోతున్నట్లు ఆయన వెల్లడించారు.
Annamalai New Party | ‘ఉద్యమం’ ద్వారా ప్రజల్లోకి..
తన భవిష్యత్తు ప్రణాళికలను వెల్లడిస్తూ అన్నామలై కీలక వ్యాఖ్యలు చేశారు. తాము మొదట ఒక ప్రజా ఉద్యమంగా ప్రజల్లోకి వెళ్తామని, ఆ తర్వాత అది పూర్తిస్థాయి రాజకీయ పార్టీగా రూపాంతరం చెందుతుందని స్పష్టం చేశారు.
తమిళనాడులో వంశపారంపర్య, ఒకే వ్యక్తి చుట్టూ తిరిగే (Cult politics) రాజకీయాలకు స్వస్తి పలికి.. సామాన్యుడికి పెద్దపీట వేసేందుకే ఈ అడుగు వేస్తున్నట్లు ఆయన పేర్కొన్నారు.
Annamalai New Party | వచ్చే అన్ని ఎన్నికల్లోనూ పోటీ!
రాబోయే రోజుల్లో తమిళనాడులో జరగబోయే స్థానిక సంస్థల ఎన్నికల నుంచి, రాబోయే సార్వత్రిక, అసెంబ్లీ ఎన్నికల వరకు అన్నింటిలోనూ తన కొత్త పార్టీ ఒంటరిగానే బరిలోకి దిగుతుందని అన్నామలై ధీమా వ్యక్తం చేశారు.
జాతీయ పార్టీలు తమిళ ప్రజల ఆకాంక్షలను, వారి భాషను అర్థం చేసుకోవడంలో విఫలమవుతున్నాయని, అందుకే ప్రాంతీయ అజెండాతో సరికొత్త ప్రత్యామ్నాయంగా ప్రజల ముందుకు వస్తున్నామని వివరించారు.
Annamalai New Party | సూపర్స్టార్ రజనీకాంత్ సలహాలు..
ఈ సందర్భంగా అన్నామలై ఒక ఆసక్తికర విషయాన్ని పంచుకున్నారు. తాను కొత్త పార్టీని స్థాపించే విషయమై కోలీవుడ్ సూపర్స్టార్ రజనీకాంత్ను కలిసి చర్చించానని, ఆయన నుంచి పలు విలువైన సలహాలు, సూచనలు తీసుకున్నానని తెలిపారు.
తమిళనాడు అసెంబ్లీ ఎన్నికల పరిణామాల అనంతరం అన్నామలై తీసుకున్న ఈ నిర్ణయం ఇప్పుడు రాష్ట్ర రాజకీయాల్లో తీవ్ర చర్చనీయాంశంగా మారింది.
ఇప్పటికే నటుడు విజయ్ సరికొత్త పార్టీతో దూసుకుపోతుండగా.. ఇప్పుడు అన్నామలై కూడా కొత్త పార్టీ ప్రకటించడంతో తమిళనాట బహుముఖ పోరు తప్పేలా లేదు.
Congress Rajya Sabha Candidates | రాహుల్ గాంధీ సన్నిహితులకు పెద్దపీట:…
