అక్షరటుడే, వెబ్డెస్క్: Indian Woman Speech | అమెరికాలో ఇటీవల భారత సంతతి పట్ల అక్కడక్కడా వ్యతిరేకత వ్యక్తమవుతున్న తరుణంలో.. ఒక భారతీయ యువతి చేసిన ప్రసంగం ఇప్పుడు సోషల్ మీడియాలో సంచలనంగా మారింది.
టెక్సాస్ సిటీ కౌన్సిల్ సమావేశంలో ఆమె వినిపించిన తర్కం, ప్రదర్శించిన పరిణతి అక్కడి స్థానికులనే కాకుండా ప్రపంచవ్యాప్తంగా ఉన్న భారతీయుల మనసు గెలుచుకుంటోంది.
Indian Woman Speech | హిందూ ధర్మం అంటే బలవంతం కాదు
ఆ యువతి తన ప్రసంగంలో హిందూ మతం యొక్క ప్రాథమిక సూత్రాన్ని చాలా స్పష్టంగా వివరించారు. “మేము ఎవరి మతాన్ని మార్చడానికి ఇక్కడికి రాలేదు. బలవంతపు మతమార్పిడులను హిందూ ధర్మం ఏనాడూ ప్రోత్సహించదు. ఎదుటివారి నమ్మకాలను గౌరవించడం మా రక్తంలోనే ఉంది..” అని ఆమె పేర్కొన్నారు.
ఆమె మాటలు అమెరికాలో పెరుగుతున్న విద్వేషపూరిత వాతావరణానికి ఒక గట్టి సమాధానంగా నిలిచాయి. భారతీయులు ఏ దేశానికి వెళ్లినా.. అక్కడ ఇమిడిపోతారే తప్ప, ఆ దేశ సంస్కృతికి ఆటంకంగా మారరని ఆమె ఉదాహరణలతో వివరించారు.
Indian Woman Speech | పండుగల సమన్వయం
“మేము మా సంప్రదాయాలను ఎంతలా ప్రేమిస్తామో.. అమెరికన్ పండుగలైన థాంక్స్ గివింగ్, క్రిస్మస్లను కూడా అంతే ఉత్సాహంతో నిర్వహించుకుంటాం..” అని ఆమె పేర్కొన్నారు.
స్థానిక సంస్కృతిని గౌరవిస్తూనే, తమ మూలాలను కాపాడుకోవడం ద్వారా భారతీయులు ఎలా ‘గ్లోబల్ సిటిజన్స్’గా ఎదుగుతున్నారో ఆమె చాటిచెప్పారు.
Indian Woman Speech | నెటిజన్ల ప్రశంసల జల్లు
ప్రస్తుతం ఈ వీడియో ‘వైరల్’ కావడంతో నెటిజన్లు ఆమె ధైర్యాన్ని, పరిణతిని కొనియాడుతున్నారు. “భారతీయ సంస్కృతి అంటే కేవలం పూజలు, పునస్కారాలు మాత్రమే కాదు.. ఒక జీవన విధానం, అందరినీ కలుపుకొనిపోయే తత్వం..” అని ఆమె నిరూపించారని నెటిజన్లు కామెంట్ చేస్తున్నారు.
Telangana RTC Strike | చర్చలు విఫలం.. అర్ధరాత్రి నుంచి ఆర్టీసీ బస్సులు బంద్!
