అక్షరటుడే, వెబ్డెస్క్: CMR Green IPO | జియో పొలిటికల్ టెన్షన్స్ నేపథ్యంలో మార్కెట్లో నెలకొన్న అనిశ్చిత పరిస్థితులతో కొంత కాలంగా ప్రైమరీ మార్కెట్ స్తబ్ధుగా ఉంది. ఇలాంటి సమయంలో ఐపీవోకు వచ్చిన సీఎంఆర్ గ్రీన్ టెక్నాలజీస్ లిమిటెడ్ కంపెనీ.. స్టాక్ మార్కెట్లోకి గ్రాండ్ ఎంట్రీ ఇచ్చింది. 43 శాతం లాభాలతో లిస్టయ్యింది.
CMR Green IPO | బంపర్ లిస్టింగ్..
ప్రైమరీ మార్కెట్ నుంచి రూ. 631 కోట్లు సమీకరించాలన్న లక్ష్యంతో సీఎంఆర్ గ్రీన్ టెక్నాలజీస్ లిమిటెడ్ కంపెనీ పబ్లిక్ ఇష్యూకు వచ్చిన విషయం తెలిసిందే. ఆఫర్ ఫర్ సేల్ ద్వారా వాటాదారులు రూ. 2 ముఖవిలువ కలిగిన 3,28,58,323 షేర్లను విక్రయించి ఈ నిధులను సమీకరించారు. ఈనెల 3 నుంచి 5వ తేదీ వరకు సబ్స్క్రిప్షన్ స్వీకరించారు. ఆఫర్ ఫర్ సేలే అయినా ఈ ఐపీవో (IPO)కు ఇన్వెస్టర్లనుంచి భారీ డిమాండ్ లభించింది. దీంతో మొత్తం 126.88 రెట్లు ఓవర్ సబ్స్క్రైబ్ అయ్యింది. క్యూఐబీ కోటా 270.46 రెట్లు, ఎనఐఐ కోటా 172.24 రెట్లు, రిటైల్ ఇన్వెస్టర్ల కోటా 25.76 రెట్లు ఓవర్ సబ్స్క్రైబ్ అయ్యాయి.
CMR Green IPO | 43 శాతం లాభాలతో ప్రారంభం
ఈ కంపెనీ షేర్లు బుధవారం బీఎస్ ఈ, ఎన్ ఎస్ ఈలలో లిస్టయ్యాయి. కంపెనీ ఒక్కో ఈక్విటీ షేరును రూ. 192 కు విక్రయించగా.. బీఎస్ఈలో రూ. 275.40 వద్ద లిస్టయ్యింది. అంటే లిస్టింగ్ సమయంలోనే ఇన్వెస్టర్లకు 43.44 శాతం లాభాలను అందించిందన్న మాట. అయితే లిస్టింగ్ అయిన వెంటనే ప్రాఫిట్ బుకింగ్తో ధర తగ్గింది. ఉదయం 10.30 గంటల ప్రాంతంలో సుమారు 33 శాతం లాభంతో రూ. 255 వద్ద కొనసాగుతోంది.
ఇది కూడా చదవండి..: Tata Motors June Offers | టాటా మోటార్స్ జూన్ ఆఫర్స్.. పలు మోడళ్లపై భారీ ప్రయోజనాల ప్రకటన
