అక్షరటుడే, వెబ్డెస్క్: Karimnagar Welfare Scam | కాంట్రాక్టర్ల బిల్లుల క్లియరెన్స్ ప్రక్రియలో అక్రమాలకు పాల్పడిన ఆరోపణలపై కరీంనగర్ జిల్లా సంక్షేమ శాఖ కార్యాలయంలో సీనియర్ అసిస్టెంట్గా పనిచేస్తున్న దనుక రాధిక (44)ను అవినీతి నిరోధక శాఖ (ఏసీబీ) అధికారులు బుధవారం అరెస్టుచేశారు.
Karimnagar Welfare Scam | అధికార దుర్వినియోగం
ఏసీబీ అధికారులు నిర్వహించిన విచారణలో కాంట్రాక్టర్ల బిల్లుల క్లియరెన్స్ను వేగవంతం చేస్తానని చెప్పి తన అధికారాన్ని దుర్వినియోగం చేసినట్లు ప్రాథమికంగా గుర్తించినట్లు సమాచారం.
ఈ క్రమంలో బినామీ బ్యాంకు ఖాతాల ద్వారా అక్రమ కమిషన్లు వసూలు చేసినట్లు విచారణలో వెలుగులోకి వచ్చినట్లు అధికారులు వెల్లడించారు.
అంతేకాకుండా ఈ అక్రమ లావాదేవీల నిర్వహణ కోసం కార్యాలయంలో పనిచేస్తున్న ఔట్సోర్సింగ్ ఉద్యోగులపై కూడా ఒత్తిడి తీసుకువచ్చినట్లు ఆరోపణలు ఉన్నాయని ఏసీబీ వర్గాలు తెలిపాయి.
Karimnagar Welfare Scam | వ్యక్తిగత లాభం కోసం..
అధికారిక విధులను పక్కనపెట్టి వ్యక్తిగత లాభం కోసం వ్యవస్థను వినియోగించినట్లు ప్రాథమిక ఆధారాలు లభించిన నేపథ్యంలో రాధికను అదుపులోకి తీసుకుని అరెస్టు చేసినట్లు ఏసీబీ అధికారులు పేర్కొన్నారు.
కేసుకు సంబంధించిన ఆర్థిక లావాదేవీలు, బినామీ ఖాతాల వినియోగం, అక్రమంగా వసూలు చేసిన నగదు వివరాలపై ఏసీబీ అధికారులు మరింత లోతుగా విచారణ చేపట్టినట్లు సమాచారం. ఈ వ్యవహారంలో మరెవరి ప్రమేయం ఏమైనా ఉందా.. అనే కోణంలో కూడా దర్యాప్తు కొనసాగుతోంది.
అరెస్టు చేసిన నిందితురాలిని న్యాయస్థానంలో హాజరుపర్చనున్నట్లు ఏసీబీ అధికారులు తెలిపారు. కేసుకు సంబంధించిన పూర్తి వివరాలను త్వరలో వెల్లడించే అవకాశం ఉంది.
Kerala fake study certificates | “డిగ్రీల దుకాణం”: చదివినవాడు నిరుద్యోగి… ముద్రించేవాడు నిపుణుడు!
