అక్షరటుడే, వెబ్డెస్క్: Sainik School Selection | నిజామాబాద్ జిల్లా కమ్మర్పల్లి మండలం హాసకొత్తూర్కు చెందిన చిన్నారి మంద చర్విత సైనిక్ స్కూల్లో ప్రవేశానికి ఎంపికై గ్రామానికి గర్వకారణంగా నిలిచింది.
Sainik School Selection | ఫిజికల్ టెస్టులోనూ ప్రతిభ
గ్రామానికి చెందిన సాధారణ ఆటో డ్రైవర్ మంద అర్జున్ కుమార్తె చర్విత ఇటీవల నిర్వహించిన సైనిక్ స్కూల్ ప్రవేశ రాత పరీక్షతో పాటు ఫిజికల్ టెస్టులోనూ ప్రతిభ కనబర్చి విజయాన్ని సాధించింది. రెండు దశల్లోనూ అర్హత సాధించి సైనిక్ స్కూల్లో ప్రవేశానికి ఎంపికైంది.
ఆర్థికంగా సాధారణ కుటుంబానికి చెందినప్పటికీ చర్విత కష్టపడి చదువుకుని ఈ విజయాన్ని సాధించడం పట్ల గ్రామస్థులు హర్షం వ్యక్తం చేస్తున్నారు. చిన్న వయస్సులోనే క్రమశిక్షణ, పట్టుదలతో సైనిక్ స్కూల్లో సీటు సాధించడం ఇతర విద్యార్థులకు ఆదర్శంగా నిలుస్తుందని అభిప్రాయపడుతున్నారు.
Sainik School Selection | గ్రామస్థుల అభినందనలు
కుమార్తె సాధించిన విజయంపై తల్లిదండ్రులు అర్జున్ దంపతులు ఆనందం వ్యక్తం చేశారు. తమ కుమార్తె భవిష్యత్తులో మరింత ఉన్నత శిఖరాలను అధిరోహించాలని ఆకాంక్షించారు.
చర్విత సాధించిన విజయానికి గ్రామ పెద్దలు, ప్రజాప్రతినిధులు, ఉపాధ్యాయులు, గ్రామస్థులు అభినందనలు తెలియజేస్తూ ఆమె భవిష్యత్తు మరింత ఉజ్వలంగా ఉండాలని ఆకాంక్షించారు.
Kerala fake study certificates | “డిగ్రీల దుకాణం”: చదివినవాడు నిరుద్యోగి… ముద్రించేవాడు నిపుణుడు!
