అక్షరటుడే, వెబ్డెస్క్: Shabbir Ali Flexies | కామారెడ్డి కాంగ్రెస్ (Kamareddy Congress)లో నెలకొన్న విభేదాలు గాంధీ భవన్కు చేరాయి. సీనియర్ నేత షబ్బీర్ అలీ, టీపీసీసీ జనరల్ సెక్రెటరీ గడ్డం చంద్రశేఖర్రెడ్డి మధ్య వివాదం నెలకొన్న విషయం తెలిసిందే.
తాజాగా ప్రభుత్వ సలహాదారు షబ్బీర్ అలీకి మద్దతుగా గాంధీభవన్ (Gandhi Bhavan)లో ఫ్లెక్సీలు ఏర్పాటు కావడం చర్చనీయాంశంగా మారింది. ముస్లింలకు 4% రిజర్వేషన్ కల్పించడంలో కీలకపాత్ర పోషించిన నేతగా షబ్బీర్ అలీని ప్రశంసిస్తూ, ‘నిజం ఎప్పటికీ మరుగున పడదు.. నిజమైన నాయకుడిని ఎవరూ తక్కువ చేయలేరు’ అని ఫ్లెక్సీలు చేశారు. పార్టీకి విధేయుడైన నాయకుడు, మహిళలను గౌరవించే వ్యక్తి, నిజాలు ఎప్పటికైనా బయటపడతాయని ఫ్లెక్సీలో రాశారు.
Shabbir Ali Flexies | ముదురుతున్న వివాదం
కామారెడ్డి మున్సిపల్ మాజీ ఛైర్పర్సన్ ఇందుప్రియ భర్త చంద్రశేఖర్రెడ్డి మూడు నక్కలు అని వ్యాఖ్యానించడంతో కాంగ్రెస్లో వివాదం మొదలైంది. ఆయన షబ్బీర్అలీని ఉద్దేశించి పరోక్ష వ్యాఖ్యలు చేశారు. దీంతో షబ్బీర్ వర్గం వారు మండిపడ్డారు. మరోవైపు షబ్బీర్ అలీకి చెందినది ఇటీవల ఓ ఆడియో బయటపడటంతో కాంగ్రెస్లో వర్గపోరు రచ్చకెక్కింది. ఈ నేపథ్యంలో పార్టీ షబ్బీర్ అలీకి నోటీసులు సైతం ఇచ్చింది. అయితే ఆ ఆడియో ఫేక్ అని ఆయన క్లారిటీ ఇచ్చారు. అయితే సీనియర్ నాయకుడు అయిన షబ్బీర్ అలీకి నోటీసులు జారీ చేయడంతో కాంగ్రెస్లో వివాదం ముదురుతోంది. ఈ క్రమంలో గాంధీ భవన్లో ఫ్లెక్సీలు ఏర్పాటు చేయడం గమనార్హం.
ఇది కూడా చదవండి..: Harish Rao Allegations | హరీశ్రావుకు మంత్రులు పొన్నం, అడ్లూరి కౌంటర్
