TS SSC Results | పదో తరగతి ఫలితాలు విడుదల

అక్షరటుడే, వెబ్​డెస్క్​: TS SSC Results | విద్యార్థులు ఉత్కంఠగా ఎదురుచూస్తున్న పదో తరగతి పరీక్షా ఫలితాలు విడుదలయ్యాయి. తెలంగాణ ఎస్సెస్సీ బోర్డు (Telangana SSC Board) మధ్యాహ్నం రెండు గంటలకు ఫలితాలను రిలీజ్​ చేసింది. రాష్ట్ర ప్రభుత్వ సలహాదారు కె.కేశవరావు విడుదల చేశారు. హైదరాబాద్‌ (Hyderabad)లోని ఎస్‌సీఈఆర్‌టీ ప్రాంగణంలో రిజల్ట్స్​ ప్రకటించారు. మొత్తం 95.15 శాతం ఉత్తీర్ణత నమోదైంది. 5,26,166 మంది విద్యార్థులు పరీక్షలు రాయగా.. 4,97,312 మంది విద్యార్థులు ఉత్తీర్ణత సాధించారు.

TS SSC Results | ఏప్రిల్​ 16న ముగిసిన పరీక్షలు

రాష్ట్రవ్యాప్తంగా మార్చి 14న పదో తరగతి పరీక్షలు ప్రారంభమయ్యాయి. కాగా.. ఈ నెల 16వ తేదీతో ముగిశాయి. సుమారు 5.15 లక్షల మంది రెగ్యులర్ విద్యార్థులు పరీక్షలు రాశారు. అయితే పరీక్షలు ముగిసిన వెంటనే విద్యాశాఖ (Education Department) యుద్ధప్రాతిపదికన వాల్యుయేషన్ ప్రక్రియ చేపట్టింది. ఈ నెల 23 నాటికి జవాబు పత్రాల మూల్యాంకనాన్ని పూర్తి చేేశారు. దీంతో ఫలితాలను అనుకున్న సమయం కన్నా ముందుగానే విడుదల చేయాలని అధికారులు నిర్ణయం తీసుకున్నారురు.

TS SSC Results | మే మొదటి వారంలో అనుకున్నా..

తొలుత మే మొదటి వారంలో ఫలితాలు రిలీజ్​ చేయాలని అధికారులు భావించారు. ఇంటర్, పాలిటెక్నిక్ లాంటి కోర్సుల్లో ప్రవేశాలకు వీలుగా ఈ నెల 29నే ఫలితాలు విడుదల చేశారు. విద్యార్థులు తమ ఫలితాలను అధికారిక వెబ్‌సైట్లలో చూసుకునేలా విద్యాశాఖ ఏర్పాట్లు చేసింది. బీఎస్ఈ తెలంగాణ, మన బడి వెబ్‌సైట్ల ద్వారా రిజల్ట్స్ తెలుసుకోవచ్చు. అంతేకాకుండా 8096958096 అనే నంబర్‌కు హాయ్ అని వాట్సాప్ మెసేజ్ చేసి కూడా ఫలితాలను తెలుసుకోవచ్చు.

ఫలితాల కోసం లింక్​ను క్లిక్​ చేయండి https://results.bse.telangana.gov.in/

ఇది కూడా చదవండి..: Sajjanar Exam Message | ఫలితం ఏదైనా బిడ్డలను అక్కున చేర్చుకోండి.. మార్కులు జీవితాన్ని శాసించలేవు.. డీజీ సజ్జనార్​