అక్షరటుడే, వెబ్డెస్క్: Trump India Remarks | అమెరికా అధ్యక్షుడు డోనాల్డ్ ట్రంప్ (Donald Trump) మరోసారి భారత్పై అక్కసు వెళ్లగక్కారు. దేశాన్ని నరకంతో పోలుస్తూ సోషల్ మీడియాలో పోస్ట్ చేశారు. వలసల విషయంలో భారత్పై మరోసారి విద్వేషం బయటపెట్టిన ట్రంప్పై విమర్శలు వస్తున్నాయి.
అమెరికా అధ్యక్షుడు డొనాల్డ్ ట్రంప్ అమెరికాలో పుట్టుకతో వచ్చే పౌరసత్వాన్ని తీవ్రంగా విమర్శిస్తూ పోస్ట్ చేశారు. భారత్ చైనా, ఇతర దేశాలను “నరక కూపాలు”గా పేర్కొంటూ లేఖను పోస్ట్ చేశారు. విదేశీయుల పిల్లలు మొదట అమెరికా పౌరులుగా మారతారని.. ఆ తర్వాత వారు తమ కుటుంబాలు మొత్తాన్ని చైనా, భారత్ లేదా మరేదైనా నరకం నుంచి ఇక్కడికి తీసుకొస్తారంటూ ఆ లేఖలో ఉంది. దానిని ట్రంప్ రీపోస్ట్ చేశారు.
Trump India Remarks | ఉద్యోగాల్లో ఆధిపత్యం
కాలిఫోర్నియా టెక్ రంగం (California Tech Sector)లో నియామక పద్ధతుల గురించి ఈ లేఖలో ఆరోపణలు ఉన్నాయి. ఉద్యోగాలలో భారత్, చైనాకు చెందిన వ్యక్తుల ఆధిపత్యం ఉందని పేర్కొంది. ఇతరులకు అవకాశాలు పరిమితంగా ఉన్నాయని లేఖలో ఉంది. పుట్టుకతో వచ్చే పౌరసత్వం చుట్టూ కొనసాగుతున్న చర్చపై ఈ లేఖ కేంద్రీకృతమై ఉంది. ఈ విధానం వలసదారులకు తమ పిల్లలకు పౌరసత్వం పొందడానికి, అనంతరం విస్తృత కుటుంబ సభ్యులను దేశంలోకి తీసుకురావడానికి వీలు కల్పిస్తుందని లేఖ పేర్కొంది.
ఈ లేఖ అమెరికన్ సివిల్ లిబర్టీస్ యూనియన్ (ACLU)ను కూడా విమర్శిస్తూ, అది అమెరికా పౌరుల కంటే అక్రమ వలసదారులకు ప్రయోజనం చేకూర్చే విధానాలకు మద్దతు ఇస్తోందని ఆరోపించింది. ఇది ఆ సంస్థను ఒక “నేరపూరిత” సంస్థగా పేర్కొంటూ, సాధారణంగా వ్యవస్థీకృత నేరాలకు వ్యతిరేకంగా ఉపయోగించే తీవ్రమైన చట్టపరమైన నిబంధన అయిన RICO నిబంధనల కింద దానిని లక్ష్యంగా చేసుకోవాలని కూడా సూచించింది.
ఇది కూడా చదవండి..: Ceasefire Extension | కాల్పుల విరమణను పొడిగిస్తున్నట్లు ట్రంప్ ప్రకటన
