అక్షరటుడే, వెబ్డెస్క్: Kukatpally Illegal Constructions | హైదరాబాద్ (Hyderabad) నగరంలో ఓ వైపు హైడ్రా.. మరోవైపు జీహెచ్ఎంసీ అధికారులు అక్రమ నిర్మాణాలపై ఉక్కుపాదం మోపుతున్నారు.
నగరంలోని అల్వాల్లో హైడ్రా అధికారులు శనివారం 108 ఎకరాల ప్రభుత్వ భూమిని కాపాడారు. మరోవైపు జీహెచ్ఎంసీ సిబ్బంది కూకట్పల్లి KPHB కాలనీ ఎంఆర్వో ఆఫీస్ లైన్లో వెలసిన అక్రమ నిర్మాణాలను తొలగించారు. రోడ్లు, ఫుట్పాత్లను ఆక్రమించి ఇష్టారాజ్యంగా నిర్మించిన కట్టడాల వల్ల తీవ్ర ఇబ్బందులు పడుతున్నామంటూ స్థానిక ప్రజల నుండి పెద్ద ఎత్తున ఫిర్యాదులు రావడంతో అధికారులు ఈ చర్యలు చేపట్టారు. దీంతో అధికారులకు స్థానికులు కృతజ్ఞతలు తెలిపారు.
Kukatpally Illegal Constructions | ఫుట్పాత్ల ఆక్రమణ
హైదరాబాద్ నగరంలో ఫుట్పాత్లను యథేచ్ఛగా ఆక్రమిస్తున్నారు. పాదచారుల కోసం నిర్మించిన వీటిపై వ్యాపారాలు చేసుకుంటున్నారు. అక్రమంగా షెడ్లు నిర్మిస్తున్నారు. దీంతో ప్రజలు తీవ్ర ఇబ్బందులు పడుతున్నారు. రోడ్లపై నడుస్తూ ప్రమాదాల బారిన పడుతున్నారు. ఈ క్రమంలో ఫుట్పాత్లపై ఆక్రమణలు తొలగించేందుకు అధికారులు ప్రతి శనివారం స్పెషల్ డ్రైవ్ నిర్వహిస్తున్నారు. ఇందులో భాగంగా తాజాగా కేపీహెచ్బీ (KPHB)లో ఆక్రమణలు తొలగించారు. అనుమతులు లేకుండా చేపట్టిన నిర్మాణాలను భారీ పోలీసు బందోబస్తు మధ్య అధికారులు కూల్చివేస్తున్నారు.
ఇది కూడా చదవండి..: HYDRAA Alwal Demolitions | అల్వాల్లో హైడ్రా కూల్చివేతలు
