అక్షరటుడే వెబ్డెస్క్: Hyderabad Tanker Accident | హైదరాబాద్–వరంగల్ జాతీయ రహదారిపై బుధవారం ఒక భారీ ప్రమాదం తృటిలో తప్పింది. మేడిపల్లి కమాన్ వద్ద పెట్రోల్ లోడ్తో వెళ్తున్న ఓ హెచ్పీ ట్యాంకర్ లారీ అకస్మాత్తుగా అదుపుతప్పి, ఉప్పల్–నారపల్లి ఎలివేటెడ్ కారిడార్కు చెందిన 102 నంబర్ పిల్లర్ను బలంగా ఢీకొట్టింది. ప్రమాద సమయంలో ట్యాంకర్లో భారీగా పెట్రోల్ ఉన్నప్పటికీ.. అదృష్టవశాత్తూ ఎలాంటి ఇంధనం లీక్ కాకపోవడం, మంటలు చెలరేగకపోవడంతో పెద్ద ముప్పు తప్పినట్లయింది. ఒకవేళ పెట్రోల్ లీకై ఉంటే భారీ ప్రాణ, ఆస్తి నష్టం సంభవించేదని స్థానికులు ఊపిరి పీల్చుకున్నారు.
Hyderabad Tanker Accident | డ్రైవర్కు గాయాలు..
ముందున్న వాహనాన్ని తప్పించబోయే క్రమంలోనే డ్రైవర్ నియంత్రణ కోల్పోవడంతో ఈ ప్రమాదం జరిగినట్లు తెలుస్తోంది. ఈ ఘోర ఘాతానికి ట్యాంకర్ ముందు భాగం పూర్తిగా నలిగిపోయింది. ఈ ఘటనలో డ్రైవర్ తీవ్రంగా గాయపడ్డాడు. ప్రమాదం జరిగిన వెంటనే 108 అంబులెన్స్కు సమాచారం అందించినప్పటికీ, అది రావడం ఆలస్యమైంది. దీంతో స్థానికులే తక్షణమే స్పందించి, క్షతగాత్రుడైన డ్రైవర్ను సమీపంలోని అపెక్స్ ఆస్పత్రికి తరలించారు. ప్రస్తుతం అతని ఆరోగ్య పరిస్థితిపై పూర్తి వివరాలు తెలియాల్సి ఉంది.
Hyderabad Tanker Accident | కిలోమీటర్ల మేర నిలిచిన ట్రాఫిక్..
ఈ ప్రమాదం కారణంగా హైదరాబాద్-వరంగల్ నేషనల్ హైవేపై కిలోమీటర్ల మేర వాహనాలు నిలిచిపోయి భారీగా ట్రాఫిక్ జామ్ ఏర్పడింది. సమాచారం అందుకున్న పోలీసులు వెంటనే ఘటనా స్థలానికి చేరుకుని పరిస్థితిని సమీక్షించారు. క్రేన్ సహాయంతో ట్యాంకర్ను రోడ్డుపై నుంచి పక్కకు తొలగించి, ట్రాఫిక్ను క్లియర్ చేసే పనులను ముమ్మరం చేశారు.
Hyderabad Tanker Accident | అధికారుల నిర్లక్ష్యమే కారణమా?
స్థానికుల కథనం ప్రకారం.. హైవే పక్కన పైప్లైన్ పనుల కోసం పెద్ద పెద్ద గుంతలు తవ్వడం వల్ల రహదారి చాలా ఇరుకుగా మారింది. దీనికి తోడు వాహనాల వేగం కూడా తోడవడంతోనే ఈ ప్రమాదం జరిగి ఉంటుందని భావిస్తున్నారు. ఇప్పటికైనా అధికారులు స్పందించి, హైవేపై సాగుతున్న పనులను త్వరగా పూర్తి చేయాలని, వాహనదారుల భద్రతకు తగిన చర్యలు చేపట్టాలని స్థానిక ప్రజలు డిమాండ్ చేస్తున్నారు.
మేడిపల్లి వద్ద పెట్రోల్ లారీ ప్రమాదం
మేడిపల్లి కమాన్ వద్ద పెట్రోల్ ట్యాంకర్ ఫ్లైఓవర్ పిల్లర్ను ఢీకొట్టడంతో ఘోర ప్రమాదం జరిగింది.
108 అంబులెన్స్ రాక ఆలస్యం కావడంతో, స్థానికులు స్పందించి గాయపడిన డ్రైవర్ను అపెక్స్ ఆస్పత్రికి తరలించారు.
ఈ ప్రమాదంతో హైదరాబాద్-వరంగల్ జాతీయ… pic.twitter.com/ecUSJK4yKR
— BIG TV Breaking News (@bigtvtelugu) June 3, 2026
ఇది కూడా చదవండి: https://aksharatodaynews.com/bodhan-politics-chairman-vs-councillors/
