అక్షరటుడే, ఆర్మూర్: Armoor BJP Protest | పట్టణంలో సోమవారం హిందూ సంఘాల ఆధ్వర్యంలో భారీ ర్యాలీ నిర్వహించారు. పట్టణంలోని అంబేడ్కర్ చౌరస్తా వద్దకు ఉదయాన్నే హిందు సంఘాల సభ్యులు భారీగా చేరుకొని ర్యాలీ నిర్వహించారు.
Armoor BJP Protest | భరత చంద్ర పాఠశాలలో..
ఆర్మూర్ మున్సిపల్ (Armoor Municipality) పరిధిలోని పెర్కిట్ భరతచంద్ర పాఠశాలలో హిందూ విద్యార్థులకు ఉర్దూ, నమాజ్ నేర్పడం పట్ల తల్లిదండ్రులు, బీజేపీ, హిందూ సంఘాల నాయకులు రెండ్రోజుల క్రితం ఆగ్రహం వ్యక్తం చేశారు. ఈ క్రమంలో హిందూ సంఘాల ఆధ్వర్యంలో ఆర్మూర్లో నిరసన ర్యాలీకి పిలుపునిచ్చారు. అయితే ఉదయం పోలీసులు, బీజేపీ ఆధ్వర్యంలో జరిగిన ర్యాలీని అడ్డుకున్నప్పటికీ నాయకులు ర్యాలీ కొనసాగించారు. ఈ సందర్భంగా హైదరాబాద్ నుండి ఆర్మూర్కు వస్తున్న ఎమ్మెల్యే పైడి రాకేష్ రెడ్డి (MLA Rakesh Reddy)ని భిక్కనూరు వద్ద పోలీసులు అదుపులోకి తీసుకుని కామారెడ్డి ఎమ్మెల్యే క్యాంప్ ఆఫీస్కు తరలించారు. భరత్ చంద్ర పాఠశాలను సీజ్ చేయాలని నాయకులు డిమాండ్ చేశారు. అనంతరం ఆర్మూర్ ఎంఈవో రాజగంగారాంకు వినతి పత్రం అందజేశారు. కాగా పోలీసులు బీజేపీ పట్టణ అధ్యక్షుడు మందుల బాలును అదుపులోకి తీసుకున్నారు. ఈ కార్యక్రమంలో బీజేపీ జిల్లా అధ్యక్షుడు దినేష్ కులాచారి, మాజీ మున్సిపల్ ఛైర్మన్ కంచెట్టి గంగాధర్, శ్రీనివాస్ రెడ్డి, యామాద్రి భాస్కర్ ప్రజలు పాల్గొన్నారు.
ఇది కూడా చదవండి..: Hostel Food Issues | హాస్టళ్లలో ఆకలి కేకలు..: అందని బ్రేక్ఫాస్ట్.. విద్యార్థుల ఆరోగ్యంపై నీలినీడలు..
