అక్షరటుడే వెబ్డెస్క్: New Zealand Earthquake | న్యూజిలాండ్ దక్షిణ ద్వీపంలో (South Island) గురువారం భారీ భూకంపం సంభవించింది. రిక్టర్ స్కేలుపై దీని తీవ్రత 6.3గా నమోదైనట్లు జాతీయ భూకంప పర్యవేక్షణ సంస్థ ‘జియోనెట్’ (GeoNet) వెల్లడించింది.
New Zealand Earthquake | ప్రకంపనల తీవ్రత..
స్థానిక కాలమానం ప్రకారం 9:14 గంటల సమయంలో ఈ భూకంపం సంభవించింది. దీని కేంద్రం టె అనావ్ (Te Anau) పట్టణానికి ఉత్తరంగా 40 కిలోమీటర్ల దూరంలో, భూగర్భంలో 51 కిలోమీటర్ల లోతున ఉన్నట్లు గుర్తించారు. భూకంప తీవ్రత ఎక్కువగా ఉండటంతో టె అనావ్తో పాటు క్వీన్స్టౌన్, డునెడిన్ వంటి ప్రధాన నగరాల్లో భారీగా ప్రకంపనలు వచ్చాయి. దీంతో ప్రజలు భయాందోళనలకు గురై ఇళ్ల నుంచి బయటకు పరుగులు తీశారు.
New Zealand Earthquake |సునామీ హెచ్చరికలు..
ఈ భూకంపం కారణంగా తీర ప్రాంతాలకు సునామీ ముప్పు పొంచి ఉందని జాతీయ అత్యవసర నిర్వహణ సంస్థ (NEMA) హెచ్చరించింది. ముఖ్యంగా ‘మిల్ఫోర్డ్ సౌండ్’ నుంచి ‘పుయ్సెగర్ పాయింట్’ వరకు ఉన్న తీరప్రాంత ప్రజలు అప్రమత్తంగా ఉండాలని, వెంటనే సురక్షితమైన ఎత్తైన ప్రాంతాలకు తరలివెళ్లాలని ఆదేశాలు జారీ చేసింది. ప్రస్తుతానికి ఈ ప్రకృతి వైపరీత్యం వల్ల జరిగిన ప్రాణ, ఆస్తి నష్టానికి సంబంధించిన పూర్తి వివరాలు తెలియాల్సి ఉంది. సహాయక చర్యల కోసం అధికారులు సిద్ధమవుతున్నారు.
📌A 5.9-magnitude earthquake (reported as 6.3 by local authorities) has struck near #TeAnau, #NewZealand. A #tsunami warning has been issued following the quake, though no casualties or major damage have been reported so far.#Earthquake #Deprem pic.twitter.com/grwFBu17lZ
— Ses Türkiye (@sesturkiye1) July 16, 2026
ఇది కూడా చదవండి: CCTNS 2.0 Training | సాంకేతికతతోనే సేవలు వేగం: ఎస్పీ రాజేష్ చంద్ర
