అక్షరటుడే, వెబ్డెస్క్ : Urea Shortage Farmers | యూరియా కోసం రైతులు తిప్పలు పడుతున్నారు. బస్తా యూరియా దొరకక అవస్థలు పడుతున్నారు. నిత్యం ఎరువుల దుకాణాలు, సొసైటీల చుట్టూ తిరుగుతున్నారు.
మెదక్ జిల్లా (Medak District) కొల్చారం మండలం రంగంపేటలో ఓ రైతు యూరియా కోసం సొసైటీ సిబ్బంది కాళ్ల మీద పడ్డాడు. ఎలాగైనా రెండు బస్తాల యూరియా ఇవ్వాలని వేడుకున్నాడు. తనకు ఆన్లైన్లో బుక్ చేయడం రాదని ఎవరి పేరు మీద అయినా ఇప్పించాలని కోరారు. కావాలంటే అధిక ధర చెల్లిస్తానని వాపోయాడు. అయినా సదరు సొసైటీ సిబ్బంది తాను ఏమి చేయలేనని చెప్పి చేతులు ఎత్తేశాడు. ఈ వీడియో సోషల్ మీడియాలో వైరల్ అవుతోంది. ఒక యూరియా బస్తా కోసం రైతన్నలు అధికారుల కాళ్లు మొక్కాల్సిన దౌర్భాగ్య పరిస్థితికి దిగజార్చింది ఈ కాంగ్రెస్ ప్రభుత్వం అని బీఆర్ఎస్ నాయకులు ఆగ్రహం వ్యక్తం చేశారు.
Urea Shortage Farmers | యాప్లో బుకింగ్
యూరియా బుకింగ్ కోసం ప్రభుత్వం ఇటీవల మరో యాప్ను తీసుకొచ్చింది. గతంలో ఫెర్టిలైజర్ యాప్ ద్వారా యూరియా బుకింగ్ చేసుకునేవారు. ఇటీవల అన్ని ఎరువుల కోసం ప్రభుత్వం ఫ్రేమ్ వర్క్ ఫర్ ఫర్టిలైజర్ యాప్ను ప్రవేశ పెట్టింది. ఈ యాప్లో బుక్ చేసుకుంటేనే యూరియా లభిస్తోంది. మొదట ఈ యాప్లో బుక్ చేసుకొని సంబంధిత దుకాణానికి వెళ్లి ఎరువులు కొనుగోలు చేయాలి. కానీ చాలా మంది రైతులకు ఎలా బుక్ చేసుకోవాలో తెలియడం లేదు. ముఖ్యంగా వృద్ధులు తీవ్ర ఇబ్బందులు పడుతున్నారు. ఓ వైపు పంటకు యూరియాఆ వేయాల్సిన సమయం దాటి పోతున్నా.. ఎరువులు దొరకకపోవడంతో ఆందోళన చెందుతున్నారు.
కాంగ్రెస్ తెస్తానన్న మార్పు ఇదేనా?🥹
ఒక యూరియా బస్తా కోసం రైతన్నలు అధికారుల కాళ్లు మొక్కాల్సిన
దౌర్భాగ్య పరిస్థితికి దిగజార్చింది ఈ కాంగ్రెస్ ప్రభుత్వంచేతకాని కాంగ్రెస్ పాలనలో సీజన్లు మారుతున్నాయే తప్ప…
రైతుల కష్టాలు, యూరియా తిప్పలు మాత్రం మారడం లేదు!… pic.twitter.com/kftCUmyGAa— BRS Party (@BRSparty) August 13, 2026
ఇది కూడా చదవండి: Jurala Project Flood | జూరాలకు తగ్గిన వరద..
