అక్షరటుడే, వెబ్డెస్క్ : Salim Dola Arrest | దావూద్ ఇబ్రహీంకు అత్యంత సన్నిహితుడైన సలీం డోలా (Salim Dola)ను భారతదేశానికి తీసుకువచ్చారు. అతడిని టర్కీలో అరెస్ట్ చేయగా.. ఆ దేశం భారత్కు అప్పగించింది. దీంతో మంగళవారం ఉదయం ఢిల్లీ (Delhi)లోని ఒక టెక్నికల్ విమానాశ్రయంలో దిగాడు.
అంతర్జాతీయ ఏజెన్సీల సహకారంతో నిఘా సంస్థలు సమన్వయంతో నిర్వహించిన ఆపరేషన్ తర్వాత ఈ అప్పగింత జరిగింది. ఈ ఉదయం అతడిని ఒక ప్రత్యేక విమానంలో తీసుకువచ్చారు. ప్రస్తుతం అతడిని అధికారులు విచారిస్తున్నారు. తదుపరి విచారణ కోసం అతడిని ముంబై పోలీసుల (Mumbai Police)కు అప్పగించే అవకాశం ఉంది.
Salim Dola Arrest | డ్రగ్స్ కింగ్
దావూద్ మాదకద్రవ్య సామ్రాజ్యం వెనుక సలీం డోలా కీలక వ్యక్తి. అతడి కోసం భారత నిఘా సంస్థలు కొన్ని రోజులుగా గాలిస్తున్నాయి. ఈ క్రమంలో ఇటీవల టర్కీ (Turkey)లోని ఇస్తాంబుల్లో అరెస్ట్ చేశారు. ఇంటర్పోల్ రెడ్ నోటీసు కింద వాంటెడ్గా ఉన్న డోలాను ఇస్తాంబుల్లో జరిగిన ఒక భారీ దాడుల అనంతరం టర్కీ అధికారులు పట్టుకున్నారని పోలీసులు తెలిపారు. ఏప్రిల్ 25న అతడిని అరెస్టు చేశారు. ‘మాదకద్రవ్యాల అక్రమ రవాణా’ కేసులో వాంటెడ్గా ఉన్న డోలా, బేలిక్దుజు జిల్లాలోని ఒక నివాసంలో దాక్కుని ఉండగా గుర్తించారు. అనంతరం అతడిని భారతదేశానికి అప్పగించేందుకు అవసరమైన ప్రక్రియలు పూర్తిచేశారు. ఈ మేరకు తాజాగా అతడిని భారత్ (India)కు అప్పగించారు.
ఇది కూడా చదవండి..: Food Poisoning Tragedy | విషాదం.. బిర్యానీ, పుచ్చకాయ తిని ఒకే కుటుంబానికి చెందిన నలుగురు మృతి
[…] […]