అక్షరటుడే, బోధన్: Pawan Kalyan Birthday | జనసేన Janasena పార్టీ వ్యవస్థాపక అధ్యక్షుడు, ఆంధ్రప్రదేశ్ ఉప ముఖ్యమంత్రి పవన్ కళ్యాణ్ జన్మదిన వేడుకలను నిజామాబాద్ జిల్లా రెంజల్ మండల కేంద్రంలో జనసేన నాయకులు, కార్యకర్తలు ఘనంగా నిర్వహించారు. ఈ సందర్భంగా పలు సేవా కార్యక్రమాలను చేపట్టారు.
Pawan Kalyan Birthday | పాఠశాలల్లో పండ్ల పంపిణీ.. అన్నదానం
జనసేన పార్టీ రాష్ట్ర సీనియర్ నాయకుడు మీసాల శ్రీనివాస్రావు ముఖ్య అతిథిగా హాజరై కార్యక్రమాలను ప్రారంభించారు. స్థానిక పాఠశాలల్లో విద్యార్థులకు పండ్లు పంపిణీ చేశారు. అనంతరం అన్నదాన కార్యక్రమాన్ని నిర్వహించారు.
ఈ సందర్భంగా మీసాల శ్రీనివాస్రావు మాట్లాడుతూ.. రాష్ట్రంలో జనసేన పార్టీలోకి భారీగా చేరికలు కొనసాగుతున్నాయని తెలిపారు. ఆంధ్రప్రదేశ్లో టీడీపీ–జనసేన ప్రభుత్వం అందిస్తున్న పాలనను ప్రజలు ప్రశంసిస్తున్నారని పేర్కొన్నారు. తెలంగాణలోనూ పార్టీని విస్తరించేందుకు పవన్ కళ్యాణ్ నాయకత్వంలో విస్తృత ప్రణాళికలు రూపొందిస్తున్నట్లు తెలిపారు.
Pawan Kalyan Telangana Strategy | పవన్ కళ్యాణ్ తెలంగాణ ‘మిషన్’: Gen-Z మంత్రం వర్కవుట్ అవుతుందా?
కార్యక్రమంలో జనసేన రెంజల్ మండల నాయకులు లోలపు నవీన్, కిరణ్, సుమన్, దినేష్, శివ, పవన్, రాకేష్, గంగాధర్, దెబ్బడి సాయి తదితరులు పాల్గొన్నారు.
