అక్షరటుడే, కామారెడ్డి : Bike Accident | ఎదురెదురుగా వస్తున్న రెండు బైకులు ఢీకొన్న ఘటనలో ఇద్దరికి తీవ్ర గాయాలయ్యాయి. తాడ్వాయి మండల (Tadwai Mandal) కేంద్రంలో గురువారం తెల్లవారుజామున ఈ ప్రమాదం చోటుచేసుకుంది.
Bike Accident | తాడ్వాయి నుంచి చందాపూర్ వైపు..
స్థానికులు తెలిపిన వివరాల ప్రకారం.. మండల కేంద్రంలోని హాస్టల్ వద్ద తాడ్వాయి నుంచి చందాపూర్ వైపు వెళ్తున్న బైకు, చందాపూర్ నుంచి తాడ్వాయి వైపు వస్తున్న మరో బైకు ఎదురెదురుగా ఢీకొన్నాయి. ఈ ప్రమాదంలో తాడ్వాయికి చెందిన జీవన్, అదే మండలంలోని బ్రహ్మాజీపల్లి గ్రామానికి చెందిన శ్రావణ్ కు తీవ్ర గాయాలయ్యాయి. ప్రమాదాన్ని గమనించిన స్థానికులు వెంటనే ఇద్దరినీ కామారెడ్డి ప్రభుత్వ ఆస్పత్రికి తరలించారు. అయితే పరిస్థితి విషమంగా ఉండటంతో మెరుగైన చికిత్స కోసం ప్రైవేట్ ఆస్పత్రికి తరలించారు. ప్రస్తుతం ఇద్దరికీ చికిత్స కొనసాగుతోంది. అయితే శ్రావణ్ చందాపూర్ నుంచి తాడ్వాయి వస్తుండగా, జీవన్ తాడ్వాయి నుంచి హాస్టల్ వైపు వెళ్తున్నట్లు తెలుస్తోంది. శ్రావణ్ వ్యవసాయం చేస్తుండగా జీవన్ రెండు రోజుల క్రితమే హాస్టల్ లో వంట పనికి చేరినట్లు స్థానికులు చెబుతున్నారు. పోలీసులు కేసు నమోదు చేసుకుని దర్యాప్తు చేస్తున్నారు.
ఇది కూడా చదవండి..: Pawan Kalyan Birthday | రెంజల్లో ఘనంగా పవన్ కళ్యాణ్ జన్మదిన వేడుకలు
