అక్షరటుడే, వెబ్డెస్క్ : Helicopter Crash | అమెరికా (America)లో ఘోర ప్రమాదం చోటు చేసుకుంది. లాస్ ఏంజిల్స్లో ఒక వార్తా సంస్థకు చెందిన హెలికాప్టర్ కూలిపోయింది. ఈ ఘటనలో ముగ్గురు మృతి చెందారు.
నగరంలో ఎస్యూవీ సిటీ బస్సును ఢీకొంది. ఈ ఘటనలో ఇద్దరు చనిపోగా.. మరో ఆరుగురు గాయపడ్డారు. ఈ బస్సు ప్రమాదాన్ని న్యూస్ ఛానెల్ సిబ్బంది ఆ ప్రమాదాన్ని హెలికాప్టర్ ద్వారా చిత్రీకరిస్తుండగా ప్రమాదం చోటు చేసుకుంది. హెలికాప్టర్ ప్రమాదం తర్వాత మరో వ్యక్తిని ఆసుపత్రికి తరలించినప్పటికీ, అతని పరిస్థితి వెంటనే తెలియరాలేదని లాస్ ఏంజిల్స్ అగ్నిమాపక శాఖ తెలిపింది.
Helicopter Crash | పార్కింగ్ ప్రదేశంలో..
హెలికాప్టర్ లోపల నుంచి రికార్డ్ చేసిన ఒక వీడియో సోషల్ మీడియాలో వైరల్ అవుతోంది. బస్సు ప్రమాదం చిత్రీకరిస్తున్న సమయంలో ఒక్కసారిగా అది కూలిపోయింది. దీంతో కెమెరా అకస్మాత్తుగా తీవ్రంగా వణకడం వీడియో కనిపించింది. ఒక పెద్ద భవనంలోని పార్కింగ్ ప్రదేశంలో ఇది కూలిపోయింది. ఈ ప్రమాదంలో పార్కింగ్ ప్రదేశంలో ఉన్న వ్యక్తి, హెలికాప్టర్లోని ఇద్దరు మృతి చెందారు. సమాచారం అందుకున్న అగ్ని మాపక సిబ్బంది తీవ్రంగా శ్రమించి మంటలను ఆర్పివేశారు. ప్రమాదంలో నాలుగు వాహనాలు, రెండు కంటైనర్లు దెబ్బతిన్నాయి.
ఇది కూడా చదవండి..: Houthi Drone Attack | మక్కాపై డ్రోన్ దాడికి యత్నం.. అడ్డుకున్న సౌదీ
