అక్షరటుడే, వెబ్డెస్క్: Houthi Drone Attack | సౌదీ అరేబియా (Saudi Arabia)లోని పవిత్ర నగరమైన మక్కాపై డ్రోన్ దాడికి హౌతీలు యత్నించారు. ఈ డ్రోన్ను సౌదీ విజయవంతంగా అడ్డుకుంది. హౌతీల దాడుల నేపథ్యంలో దేశంలో అలర్ట్ ప్రకటించింది.
యెమెన్కు చెందిన హౌతీలు మక్కాను లక్ష్యంగా చేసుకున్నారనే ఆరోపణల నేపథ్యంలో సౌదీ మక్కాతో పాటు జెడ్డా, తైఫ్ గవర్నరేట్లతో సహా పలు ప్రాంతాలను అప్రమత్తం చేసింది. మక్కాలో వైమానిక ముప్పు హెచ్చరిక జారీ చేయడం ఇదే మొదటిసారి కావడం గమనార్హం. హౌతీలు ప్రయోగించిన డ్రోన్ను మక్కాకు దక్షిణాన సౌదీ వైమానిక రక్షణ వ్యవస్థలు ధ్వంసం చేశాయి. దీంతో ఆ ప్రాంతంలో ఉద్రిక్తతలు తీవ్రరూపం దాల్చాయి.
Houthi Drone Attack | వరుస దాడులు
యెమెన్లోని హౌతీలకు ఇరాన్ మద్దతు ఉంది. మరోవైపు ఆ దేశ ప్రభుత్వానికి సౌదీ మద్దతు ఇస్తోంది. ఈ క్రమంలో హౌతీలు కొంతకాలంగా సౌదీని లక్ష్యంగా చేసుకున్నారు. ఆ దేశ నౌకలపై దాడులు చేస్తున్నారు. యెమెన్ నుంచి మంగళవారం క్షిపణులు, డ్రోన్లను ఉపయోగించి హౌతీలు జరిపిన దాడిలో మంగళవారం సౌదీలో 13 మంది గాయపడ్డారు. హౌతీల దాడులతో సౌదీలోని మదీనాలోని అంతర్జాతీయ విమానాశ్రయానికి విమాన రాకపోకలను కూడా నిలిపివేశారు. కాగా సౌదీపై దాడులను 57 ముస్లిం దేశాల కూటమి ఖండించింది.
Houthi Drone Attack | ఖండించిన హౌతీలు
మక్కాపై దాడి చేయలేదని హౌతీలు తెలిపారు. తమ డ్రోన్ను కూల్చివేశామని సౌదీ చెప్పడాన్ని వారు ఖండించారు. ఇది అబద్ధం అన్నారు. మక్కాను లక్ష్యంగా చేసుకున్నారన్న వాదనలు పాతబడిపోయిన అబద్ధం, ఇదివరకే ఇలాంటివి వాడారు, ఇకపై ఎవరినీ మోసగించలేరు అని ఎక్స్లో పోస్టు చేశారు.
ఇది కూడా చదవండి..: Russia Tariff Bill | ట్రంప్ సర్కార్ కఠిన నిర్ణయం.. రష్యా ఆంక్షల బిల్లులో భారత్ పేరు
