అక్షరటుడే, వెబ్డెస్క్: Old City Fire Accident | హైదరాబాద్ (Hyderabad) పాతబస్తీ వాటర్ ట్యాంక్ రోడ్డులోని రెండంతస్తుల భవనంలో భారీగా మంటలు చెలరేగాయి. మొదటి అంతస్తులోని కిడ్స్ స్కూల్ ఉంది.
ఓల్డ్ సిటీలోని ఐఎస్ సదన్ పోలీస్ స్టేషన్ పరిధిలోని సంతోష్ నగర్లో గల ఓ రెండు అంతస్తుల భవనంలో మంగళవారం రాత్రి ఒక్కసారిగా మంటలు చెలరేగాయి. మొదటి అంతస్తులో కిడ్స్ స్కూల్ నిర్వహిస్తున్నారు. స్కూల్లో మంటలు చెలరేగి భవనం మొత్తం వ్యాపించాయి. స్థానికులు గమనించి రెండో అంతస్తులో నివాసం ఉంటున్న కుటుంబాలను బయటకు తీసుకొచ్చారు. దీంతో ఎలాంటి ప్రాణ నష్టం జరగలేదు.
Old City Fire Accident | సహాయక చర్యలు
సమాచారం అందుకున్న అగ్ని మాపక సిబ్బంది, పోలీసులు ఘటన స్థలానికి చేరుకున్నారు. రెండు ఫైర్ ఇంజిన్లతో మంటలను ఆర్పివేశారు. అగ్ని ప్రమాదానికి గల కారణాలు తెలియరాలేదు. పోలీసులు కేసు నమోదు చేసి దర్యాప్తు చేస్తున్నారు. యాకుత్పురా ఎమ్మెల్యే జాఫర్ హుస్సేన్ మిరాజ్ బాధితులను పరామర్శించారు.
ఇది కూడా చదవండి..: Tank Bund Ganesh Immersion | ట్యాంక్ బండ్ పై గణేశ నిమజ్జనం నిషేధం.. అప్పర్ ట్యాంక్ బండ్ వద్ద ఫ్లెక్సీల ఏర్పాటు
