అక్షరటుడే, మెదక్ : Agricultural Officer Bribery | సంగారెడ్డి జిల్లా (Sangareddy District) సదాశివపేట మండల వ్యవసాయ అధికారి ఏసీబీకి చిక్కాడు. ఓ ఎరువుల దుకాణం యజమాని నుంచి రూ.20 వేలు తీసుకుంటుండగా.. అధికారులు ఆయనను వల పన్ని పట్టుకున్నారు.
సదాశివపేట మండల వ్యవసాయ అధికారి జి. రమేష్ ఓ వ్యక్తి నడుపుతున్న ఎరువుల వ్యాపారం సజావుగా, ఇబ్బందులు లేకుండా సాగడానికి లంచం డిమాండ్ చేశాడు. తనకు డబ్బులు ఇస్తే వ్యాపారానికి ఎలాంటి ఆటంకాలు లేకుండా చూస్తానని చెప్పాడు. దీంతో దుకాణ యజమాని మామ ఏసీబీ అధికారులను ఆశ్రయించాడు.
Agricultural Officer Bribery | రూ.30 వేల డిమాండ్
ఏవో బాధితుడి నుంచి రూ.30 వేల లంచం డిమాండ్ చేశాడు. అందులో రూ.10 వేలు అక్టోబర్ 19న తీసుకున్నాడు. మంగళవారం మధ్యాహ్నం ఏవో రమేశ్ ఫిర్యాదుదారుడి నుంచి మరో రూ.20 వేల లంచం తీసుకుంటుండగా ఏసీబీ అధికారులు రెడ్ హ్యాండెడ్గా పట్టుకున్నారు. అనంతరం ఆయన కార్యాలయంలో సోదాలు నిర్వహించారు. నిందితుడిపై కేసు నమోదు చేసి, అరెస్ట్ చేశారు.
ఇది కూడా చదవండి..: MLA Rajagopal Reddy | నిధుల కేటాయింపులో వివక్ష.. మంత్రి ఉత్తమ్పై రాజగోపాల్రెడ్డి ఫైర్
