అక్షరటుడే వెబ్డెస్క్: IDFC FIRST Bank Forex | కస్టమర్-ఫస్ట్ విధానంలో భాగంగా ప్రముఖ ఆర్థిక సంస్థ ఐడీఎఫ్సీ ఫస్ట్ బ్యాంక్ క్రెడిట్ కార్డ్ వినియోగదారులకు అదిరిపోయే గుడ్న్యూస్ అందించింది. తన బ్యాంక్కు చెందిన అన్ని రకాల క్రెడిట్ కార్డులపై ‘జీరో ఫారెక్స్ మార్కప్’ (Zero Forex Markup) సదుపాయాన్ని పరిచయం చేస్తున్నట్లు ప్రకటించింది. ఈ అద్భుతమైన ప్రయోజనం కేవలం కొత్తగా కార్డ్ తీసుకునేవారికే కాకుండా, ఇప్పటికే కార్డులు కలిగి ఉన్న ప్రస్తుత కస్టమర్లందరికీ కూడా వర్తిస్తుందని బ్యాంక్ స్పష్టం చేసింది.
IDFC FIRST Bank Forex | అప్గ్రేడ్ అవసరం లేదు..
ఈ జీరో ఫారెక్స్ మార్కప్ ప్రయోజనాన్ని పొందడం కస్టమర్లకు మరింత సులభం చేయబడింది. వినియోగదారులు కొత్త కార్డు కోసం ప్రత్యేకంగా దరఖాస్తు చేసుకోవడం, తమ ప్రస్తుత కార్డ్ను అప్గ్రేడ్ చేసుకోవడం లేదా ఎలాంటి నిర్దిష్ట ఖర్చు పరిమితిని (Spending Limit) చేరుకోవాల్సిన అవసరం లేదు. కస్టమర్ల వద్ద ప్రస్తుతం ఉన్న ఐడీఎఫ్సీ ఫస్ట్ బ్యాంక్ క్రెడిట్ కార్డ్పైనే ఈ ఫీచర్ పూర్తిగా ఆటోమేటిక్గా అందుబాటులోకి వస్తుంది.
IDFC FIRST Bank Forex | భారీగా డబ్బు ఆదా..
సాధారణంగా విదేశీ కరెన్సీ లేదా అంతర్జాతీయ లావాదేవీలపై 3.5 శాతం వరకు ఫారెక్స్ మార్కప్ ఛార్జ్తో పాటు జీఎస్టీ ( GST )పడుతుంది. ఉదాహరణకు లక్ష రూపాయల లావాదేవీపై అదనంగా సుమారు రూ.4,130 వరకు చెల్లించాల్సి వస్తుంది. ఇప్పుడు ఐడీఎఫ్సీ ఫస్ట్ బ్యాంక్ ప్రవేశపెట్టిన జీరో ఫారెక్స్ మార్కప్తో కస్టమర్లు ఈ అదనపు ఛార్జీలన్నింటినీ పూర్తిగా నివారించుకోవచ్చు. దీనివల్ల గ్లోబల్ లెవెల్ ఖర్చులు చాలా వరకు తగ్గుతాయి.
IDFC FIRST Bank Forex | యథావిధిగా కంటిన్యూ..
ఫారెక్స్ ఛార్జీలు తొలగించినప్పటికీ, కస్టమర్లకు అందే ప్రయోజనాల్లో ఎలాంటి కోత ఉండదు. అంతర్జాతీయ లావాదేవీలు నిర్వహించిన సమయంలోనూ కస్టమర్లు తమ సంబంధిత కార్డ్ ఫీచర్ల ప్రకారం రివార్డ్ పాయింట్లు లేదా క్యాష్బ్యాక్ను యథావిధిగా పొందవచ్చు. ఇది వినియోగదారులకు మరింత లాభదాయకంగా మారుతుంది. విదేశీ ప్రయాణాలు చేసే సమయంలో లేదా ఆన్లైన్లో అంతర్జాతీయ ఖర్చులు చేసేటప్పుడు చాలామంది ప్రత్యేకంగా ఫారెక్స్ కార్డులను కొనుగోలు చేస్తుంటారు. అయితే ఈ కొత్త సదుపాయంతో ఆ అవసరం పూర్తిగా తొలగిపోతుంది. వినియోగదారుల వద్ద ఇప్పటికే ఉన్న ఐడీఎఫ్సీ ఫస్ట్ బ్యాంక్ క్రెడిట్ కార్డే ఆ ప్రత్యేక ఫారెక్స్ కార్డ్ ప్రయోజనాన్ని సమర్థవంతంగా అందిస్తుంది.
IDFC FIRST Bank Forex | గ్లోబల్ ఖర్చులకు అనుకూలం..
ప్రస్తుత ఆధునిక కాలంలో అంతర్జాతీయ లావాదేవీలు కేవలం విదేశీ ప్రయాణాలకే పరిమితం కావడం లేదు. ఇ-కామర్స్ కొనుగోళ్లు, ఆన్లైన్ సబ్స్క్రిప్షన్లు, ఓటీటీ స్ట్రీమింగ్ సేవలు, సాఫ్ట్వేర్ కొనుగోళ్లు, విద్యా చెల్లింపులు , వ్యాపార ఖర్చులు అన్నీ గ్లోబల్ పేమెంట్స్ కిందకే వస్తున్నాయి. అందువల్ల ఈ జీరో ఫారెక్స్ మార్కప్ సదుపాయం ప్రయాణికులు, విద్యార్థులు, నిపుణులు , వ్యాపారవేత్తలకు ఒకే విధంగా ఎంతో విలువైనదిగా నిలుస్తుంది.
IDFC FIRST Bank Forex | క్యాష్బ్యాక్..
ఈ కొత్త ఫీచర్పై ఐడీఎఫ్సీ ఫస్ట్ బ్యాంక్ రిటైల్ లయబిలిటీస్, క్రెడిట్ కార్డ్స్ , పేమెంట్స్ విభాగాధిపతి శ్రీ శిరీష్ భండారి మాట్లాడుతూ.. కస్టమర్లకు అత్యంత అనుకూలమైన ఉత్పత్తులను అందించడమే తమ ప్రధాన విధానం అని తెలిపారు. తగిన విధంగా రివార్డ్ పాయింట్లు లేదా క్యాష్బ్యాక్ ఇస్తూనే, అన్ని క్రెడిట్ కార్డులపై ఫారెక్స్ మార్కప్ ఛార్జీలను తొలగించడం ద్వారా అంతర్జాతీయ ఖర్చులను మరింత లాభదాయకంగా మారుస్తున్నామని పేర్కొన్నారు. ఈ సదుపాయం కస్టమర్లకు ప్రపంచవ్యాప్త ఖర్చుల విషయంలో మరింత విశ్వాసాన్ని ఇస్తుందని ఆయన నమ్మకం వ్యక్తం చేశారు.
ఇది కూడా చదవండి: Treasury Officers Bribe | రూ.2.50 లక్షల లంచం డిమాండ్.. ఏసీబీకి చిక్కిన ట్రెజరీ అధికారులు
