అక్షరటుడే, ఇందూరు: Asmita Cycling Competitions | కేంద్ర ప్రభుత్వం క్రీడలకు ప్రత్యేకంగా ప్రోత్సహిస్తోందని ఎంపీ అర్వింద్ (MP Arvind) పేర్కొన్నారు. ఖేలో ఇండియాలో భాగంగా రాష్ట్రస్థాయి అస్మిత సైక్లింగ్ పోటీలను నగరంలోని (Nizamabad) బైపాస్లో ఆదివారం ప్రారంభించారు.
Asmita Cycling Competitions | జిల్లా నుంచే అత్యధిక రిజిస్ట్రేషన్లు..
జిల్లా సైక్లింగ్ అసోసియేషన్ ఆధ్వర్యంలో ఏర్పాటు చేసిన ఈ పోటీలను ప్రారంభించిన అర్వింద్ అనంతరం మాట్లాడుతూ.. నిజామాబాద్ జిల్లా నుంచి ఖేలో ఇండియాకు అత్యధికంగా రిజిస్ట్రేషన్లు చేసుకోవడం అభినందించదగ్గ విషయం అన్నారు. కేంద్రం క్రీడలకు అత్యధిక ప్రాధాన్యతనిస్తోందన్నారు. ఆ ప్రోత్సాహంతోనే ఆసియా క్రీడల్లో భారత్ తరపున క్రీడాకారులు పతకాల పంట పండిస్తున్నారని గుర్తు చేశారు. రాష్ట్రస్థాయి పోటీలకు జిల్లా సైక్లింగ్ సంఘం చేసిన ఏర్పాట్లను అభినందించారు. ఈ కార్యక్రమంలో ఎమ్మెల్యే ధన్పాల్ సూర్యనారాయణ, మేయర్ ఉమారాణి, సైక్లింగ్ అసోసియేషన్ రాష్ట్ర అధ్యక్ష, కార్యదర్శులు మల్లారెడ్డి, భూలోకం విజయ్కాంత్రావ్, ఒలింపిక్ సంఘం మాజీ జిల్లా అధ్యక్ష, కార్యదర్శులు ఈగ సంజీవ్ రెడ్డి, బొబ్బిలి నర్సయ్య, సీనియర్ న్యాయవాది రాజేందర్ రెడ్డి, ప్రశాంత్ పాల్గొన్నారు.
ఇది కూడా చదవండి: వారు అంతరించిపోతున్నారు: ట్రంప్
