అక్షరటుడే, నిజామాబాద్ సిటీ: Konda Laxman Bapuji Tribute | తెలంగాణ ఉద్యమంలో కొండా లక్ష్మణ్ బాపూజీ కీలక పాత్ర పోషించారని.. ఆయన సేవలను మరువలేమని మేయర్ ఉమారాణి పేర్కొన్నారు. నగరంలోని (Nizamabad) హనుమాన్ జంక్షన్లో కొండా లక్ష్మణ్ బాపూజీ విగ్రహానికి నివాళులు అర్పించారు.
Konda Laxman Bapuji Tribute | నిజాం నిరంకుశ పాలనకు వ్యతిరేకంగా..
అడిషనల్ కలెక్టర్ భుజంగరావుతో కలిసి నివాళులు అర్పించిన మేయర్ ఉమారాణి అనంతరం మాట్లాడుతూ.. ఆచార్య కొండా లక్ష్మణ్ బాపూజీ స్వాతంత్య్ర సమరయోధుడు, నిజాం నిరంకుశ పాలనకు వ్యతిరేకంగా పోరాడిన ధీరోదత్తుడు అని అన్నారు. తెలంగాణ ఉద్యమంలో కీలక పాత్ర పోషించిన మహనీయుడని పేర్కొన్నారు. వెనుకబడిన వర్గాల అభ్యున్నతికి, సామాజిక న్యాయానికి తన జీవితాన్ని అంకితం చేసిన బాపూజీ ఆదర్శాలను అనుసరించి యువత సమాజ సేవ చేయాలని మేయర్ పిలుపునిచ్చారు. ఈ కార్యక్రమంలో బీసీ సంక్షేమ సంఘం నాయకులు, జిల్లా వెనుకబడిన తరగతుల అభివృద్ధి శాఖ అధికారులు, స్థానిక నాయకులు, ప్రజా ప్రతినిధులు పాల్గొని బాపూజీకి నివాళులు అర్పించారు. కార్యక్రమంలో చేనేత సంఘం జిల్లా అధ్యక్షురాలు గుజ్జ రాజేశ్వరి, కాంగ్రెస్ సీనియర్ నాయకుడు కూరగాయల రమేష్ తదితరులు పాల్గొన్నారు.
ఇది కూడా చదవండి: ‘ది ప్యారడైజ్’పై కేటీఆర్ ప్రశంసలు
