అక్షరటుడే, నిజామాబాద్ సిటీ: Social Boycott Complaints | సామాజిక బహిష్కరణ ఉదంతాలపై రాష్ట్ర వెనుకబడిన తరగతుల కమిషన్కు ఇటీవల ఫిర్యాదులు వెళ్లాయి. ఈ క్రమంలో కమిషన్ ఛైర్మన్ నిరంజన్ నేతృత్వంలో సభ్యులు తిరుమలగిరి సురేందర్, రాపోలు జయప్రకాశ్, బాలలక్ష్మిలతో కూడిన బృందం బుధవారం జిల్లా (Nizamabad)కు విచ్చేసింది.
Social Boycott Complaints | కలెక్టేరట్ ప్రాంగణంలో..
కమిషన్ సభ్యులు కలెక్టరేలో బాధితులతో భేటీ అయ్యారు. ఐడీవోసీకి చేరుకున్న కమిషన్ ప్రతినిధులకు కలెక్టర్ ఇలా త్రిపాఠి, అదనపు కలెక్టర్ వి.భుజంగరావు తదితరులు పూలమొక్కలు అందించి స్వాగతం పలికారు. ఈ సందర్భంగా సాంఘిక, కుల బహిష్కరణలకు గురైన బాధితులు పెద్ద సంఖ్యలో తరలివచ్చి కమిషన్ ఛైర్మన్, సభ్యులకు లిఖితపూర్వకంగా విజ్ఞాపనలు సమర్పించారు. బాధితులు భయం లేకుండా, స్వేచ్ఛగా వారి అభిప్రాయాలను వెల్లడించేందుకు వీలుగా తగిన ఏర్పాట్లు చేశారు.
Social Boycott Complaints | తరలివచ్చిన ఫిర్యాదుదారులు..
దీంతో జిల్లాలోని ఆయా ప్రాంతాలలో గ్రామాభివృద్ధి కమిటీల పేరిట కొనసాగుతున్న అరాచకాల గురించి, సామాజిక బహిష్కరణ ఘటనలను బాధితులు కమిషన్కు ఏకరువు పెట్టారు. బీసీ కుల సంఘాల నాయకులు, వివిధ వర్గాల వారు, ప్రజా సంఘాల ప్రతినిధులు సైతం హాజరై రాతపూర్వకంగా వినతి పత్రాలను కమిషన్కు అందిస్తూ, మౌఖికంగా కూడా తమ అభిప్రాయాలను వెల్లడించారు.
ఇది కూడా చదవండి..: Nandipet Bus Services | సమయానికి రాని బస్సులు.. ప్రయాణికులకు ఇబ్బందులు..
