అక్షరటుడే, వెబ్డెస్క్: Hyderabad Fire Accident | హైదరాబాద్ (Hyderabad)లో వరుస అగ్ని ప్రమాదాలు కలవర పెడుతున్నాయి. నిత్యం ఏదో ఒక ప్రాంతంలో మంటలు చెలరేగుతున్నాయి. తాజాగా పాతబస్తీలోని బహదూర్పురాలో పెద్ద ఎత్తున మంటలు అంటుకున్నాయి.
హైదరాబాద్లోని బహదూర్పురా (Bahadurpura)లో జూ పార్క్ సమీపంలోని తాడ్బాన్లో ఉన్న ఒక స్క్రాప్ షాపు, టింబర్ డిపో (Timber Depot)లో గురువారం అర్ధరాత్రి సమయంలో భారీ అగ్నిప్రమాదం జరిగింది. ఆ ప్రాంతంలో మంటలు వేగంగా వ్యాపించడంతో స్థానికులు భయాందోళనకు గురయ్యారు.
Hyderabad Fire Accident | 4 ఫైరింజన్లతో..
అగ్నిమాపక సిబ్బందికి సమాచారం. వారు నాలుగు ఫైర్ ఇంజిన్లతో ఘటన స్థలానికి చేరుకొని మంటలు ఆర్పివేశారు. ముందు జాగ్రత్తగా చుట్టు పక్కల వారిని పోలీసులు ఖాళీ చేయించారు. ఈ ఘటనలో ఎలాంటి ప్రాణ నష్టం జరగలేదు. అయితే భారీగా ఆస్తి నష్టం జరిగినట్లు సమాచారం. ప్రమాదానికి గల కారణాలు తెలియరాలేదు. పోలీసులు కేసు నమోదు చేసుకొని దర్యాప్తు చేస్తున్నారు.
Hyderabad Fire Accident | వరుస ప్రమాదాలు
వేసవి కాలం ప్రారంభం అయిన నాటి నుంచి నగరంలో అగ్ని ప్రమాదాలు (Fire Accidents) పెరిగాయి. పారిశ్రామిక ప్రాంతాలతో పాటు ఫర్నిచర్ దుకాణాలు, టింబర్ డిపోలు, స్క్రాప్ గోడౌన్లలో ఎక్కువగా మంటలు అంటుకున్నాయి. ఇటీవల కిషన్బాగ్లోని సోఫా తయారీ కేంద్రంలో పెద్ద ఎత్తున మంటలు అంటుకున్నాయి. గతంలో సైతం పలు దుకాణాల్లో అగ్ని ప్రమాదాలు జరిగాయి. అయినా సంబంధిత అధికారులు చర్యలు చేపట్టడం లేదు. ఫైర్ సేఫ్టి నిబంధనలు పాటించని వారిపై చర్యలు తీసుకోవడం లేదు.
ఇది కూడా చదవండి..: Software Engineer Suicide | “నమ్మకమే శాపమైంది”.. భార్య అక్రమ సంబంధం తట్టుకోలేక సాఫ్ట్వేర్ ఇంజినీర్ బలవన్మరణం!
