అక్షరటుడే, నిజామాబాద్ సిటీ : Nizamabad Aadhaar Services | ప్రజలకు బాధ్యతాయుతంగా ఆధార్ సేవలను అందించాలని కలెక్టర్ ఇలా త్రిపాఠి (Collector Ila Tripathi) అన్నారు. నగరంలోని వర్నీరోడ్లోని కోటగల్లీ మున్నూరుకాపు సంఘం భవనంలో ఆధార్ సేవలను ప్రారంభించారు.
Nizamabad Aadhaar Services | ఆధార్ సేవల వికేంద్రీకరణ..
రాష్ట్రంలో హైదారాబాద్లో ఆధార్ ప్రత్యేక సేవలను ప్రస్తుతం నిజామాబాద్ జిల్లాలో ఏర్పాటు చేయడం అభినందనీయమన్నారు. ఆధార్ కేంద్రం ద్వారా ప్రజలకు నాణ్యతగా బాధ్యతాయుతమైన సేవలు అందించడమే లక్ష్యంగా పని చేయాలన్నారు. ప్రజలు, వృద్ధులు, మహిళలు విద్యార్థులు, గ్రామీణ ప్రాంతాల వారికి ఓపికగా ఈ సేవలందించాలని సూచించారు. ఎవరైనా తప్పుడు ధ్రువీకరణ పత్రాలతో నకిలీ ఆధార్ నమోదుకు ప్రయత్నించినప్పుడు గుర్తించి తన దృష్టికి తీసుకురావాలన్నారు. అలాంటి వారిపై చట్టరీత్యా కఠిన చర్యలు తీసుకుంటామని హెచ్చరించారు. ప్రతిరోజూ ఉదయం 9:30 గంటల నుంచి సాయంత్రం 5.30 గంటల వరకు ఆధార్ కేంద్రం పని చేస్తుందన్నారు.
Nizamabad Aadhaar Services | సెలవు దినాల్లోనూ.. ఆధార్..
ఆదివారం, రెండో శనివారం తదితర పండగల సెలవు దినాల్లో కూడా ఆధార్ కేంద్రం పనిచేస్తుందని కలెక్టర్ సూచించారు. ఈ కార్యక్రమంలో యుఐడీఏఐ అసిస్టెంట్ మేనేజర్ శ్రావణ్ కుమార్, ఈ గవర్నెన్స్ జిల్లా మేనేజర్ కార్తీక్ కుమార్, ప్రోటీన్ టెక్నాలజీస్ సంస్థ నిజామాబాద్ ఆధార్ సేవాకేంద్రం మేనేజర్ సురేష్ కుమార్, ఏఎస్కే కామారెడ్డి జిల్లా మేనేజర్ అనిల్ కుమార్, ఆధార్ కేంద్రం ఉద్యోగ సిబ్బంది తదితరులు పాల్గొన్నారు.
ఇది కూడా చదవండి..: Gandhari ATM Robbery | సంచలనం సృష్టించిన ఏటీఎం చోరీ నిందితుల కోసం కొనసాగుతున్న వేట
