అక్షరటుడే, వెబ్డెస్క్: Union Bank Apprentice | బ్యాంకింగ్ రంగంలో ఉద్యోగ అవకాశాల కోసం ఎదురుచూస్తున్న వారికి యూనియన్ బ్యాంక్ (Union Bank) శుభవార్త తెలిపింది. దేశవ్యాప్తంగా 1,865 అప్రెంటిస్ పోస్టులను భర్తీ చేయడం కోసం నోటిఫికేషన్ జారీ చేసింది.
ముంబయి కేంద్ర కార్యాలయం ఆధ్వర్యంలో ఈ నియామక ప్రక్రియ నిర్వహించనున్నారు. ఈ నియామకాలు అప్రెంటిసెస్ చట్టం 1961 ప్రకారం ఒక సంవత్సరం శిక్షణ ప్రాతిపదికన జరుగుతాయి. ఎంపికైన వారికి పోస్టింగ్ ప్రాంతాన్ని బట్టి నెలవారీ స్టైఫండ్ చెల్లిస్తారు. ఇది శాశ్వత ఉద్యోగం కాకపోయినా బ్యాంకింగ్ రంగంలో అనుభవం సంపాదించేందుకు ఇది మంచి అవకాశంగా భావిస్తున్నారు. నోటిఫికేషన్ వివరాలిలా ఉన్నాయి.
Union Bank Apprentice | అప్రెంటిస్ పోస్టులు..
1,865. (దేశంలోని అన్ని రాష్ట్రాలు, కేంద్ర పాలిత ప్రాంతాల్లో ఈ పోస్టులు ఉన్నాయి)
వేతనం వివరాలు..
గ్రామీణ /సెమీ అర్బన్ ప్రాంతాలు : రూ. 15 వేలు
అర్బన్ ప్రాంతాలు : రూ. 18 వేలు
మెట్రో నగరాలు : రూ. 20 వేలు
వయో పరిమితి : 2026 ఏప్రిల్ 1 నాటికి 20 నుంచి 28 ఏళ్ల మధ్య వయసువారు అర్హులు.
ప్రభుత్వ నిబంధనల ప్రకారం వయోపరిమితిలో సడలింపులు ఉంటాయి.
Union Bank Apprentice | గమనించాల్సిన విషయాలు..
ఇంతకుముందు యూనియన్ బ్యాంక్లో లేదా ఇతర సంస్థల్లో అప్రెంటిస్ శిక్షణ పొందిన వారు అర్హులు కారు. అలాగే ఏడాది లేదా అంతకంటే ఎక్కువ ఉద్యోగ అనుభవం ఉన్నవారు కూడా అనర్హులే.
ఏ రాష్ట్రానికి దరఖాస్తు చేస్తే.. ఆ రాష్ట్ర స్థానిక భాష చదవడం, రాయడం, మాట్లాడడం వచ్చి ఉండాలి. దీనిని ఎంపికలో ముఖ్య అర్హతగా పరిగణిస్తారు.
దరఖాస్తు గడువు : మే 19.
దరఖాస్తు విధానం : ఆన్లైన్ ద్వారా
పూర్తి వివరాలకు యూనియన్ బ్యాంక్ అధికారిక వెబ్సైట్లో సంప్రదించగలరు.
ఇది కూడా చదవండి..: IPL Betting Suicide | ఐపీఎల్ బెట్టింగ్కు బలి.. ఆత్మహత్య చేసుకున్న వ్యాపారి
