అక్షరటుడే, వెబ్డెస్క్ : Police Extortion | ఓ వ్యక్తిని అరెస్ట్ చేస్తామని బెదిరించి ఇద్దరు వ్యక్తులు రూ.50 వేలు వసూలు చేశారు. ఈ ఘటన హైదరాబాద్ నగరంలోని షేక్పేట నాలా జంక్షన్ సమీపంలో చోటు చేసుకుంది. నవంబర్ 4న సాయంత్రం 6:45 గంటల ప్రాంతంలో ఈ ఘటన జరగ్గా.. ఆలస్యంగా వెలుగులోకి వచ్చింది.
బాధితుడు తెలిపిన వివరాల ప్రకారం.. నార్సింగికి గుంటటి సత్యనారాయణకు ఎస్బీఐలో గోల్డ్ లోన్ ఉంది. దానిని తిరిగి చెల్లించేందుకు తన గోపన్నపల్లికి చెందిన తన స్నేహితుడు సాగర్‌ దగ్గర రూ.3 లక్షలు అప్పుగా తీసుకున్నారు. ఈ నెల 4న షేక్పేట నాలా జంక్షన్ వద్ద ఆ నగదు ఇచ్చాడు. అయితే ఆ సమయంలో ఇద్దరు వ్యక్తులు అతడిని గమనించారు. బ్యాగులో డబ్బులు పెట్టుకుంటుంగా వచ్చి.. పోలీస్ స్టేషన్‌కు తీసుకెళ్తామని బెదిరించారు. వదిలిపెట్టడానికి రూ. 70,000 ఇవ్వాలని డిమాండ్ చేశారు.
Police Extortion | ఆలస్యంగా ఫిర్యాదు
తాము పోలీసులం అని చెప్పుకొని నిందితులు డబ్బులు డిమాండ్ చేశారు. బాధితుడు బతిమిలాడటంతో రూ.50 వేలు తీసుకొని, అతడి ఫోన్ నంబర్ రాసుకొని అక్కడి నుంచి వెళ్లిపోయారు. వారి పేర్లు మల్సూర్, మోహన్ అని బాధితుడు పేర్కొన్నారు. వారిద్దరినీ తాను గుర్తు పట్టగలనని పోలీసులకు తెలిపారు. అయితే ఆ ఘటనతో తాను భయాందోళనకు గురయ్యానని చెప్పారు. అందుకే వెంటనే పోలీసులకు ఫిర్యాదు చేయలేకపోయానని తెలిపారు. ఈ ఘటనపై శుక్రవారం ఫిల్మ్ నగర్ పోలీస్ స్టేషన్‌లో ఫిర్యాదు చేయగా.. కేసు నమోదు చేసుకొని దర్యాప్తు చేస్తున్నారు.
దీనిని కూడా చదవండి : Ramadugu Chain Snatching | రామడుగులో చైన్స్నాచింగ్ కలకలం..
