అక్షరటుడే, వెబ్డెస్క్ : Rashmika Mysaa Movie | నేషనల్ క్రష్ రష్మిక మంధాన (Rashmika Mandanna) ప్రధాన పాత్రలో నటిస్తున్న పాన్ ఇండియా చిత్రం ‘మైసా’పై రోజురోజుకూ ఆసక్తి పెరుగుతోంది. కొత్త దర్శకుడు రవీంద్ర పుల్లే ఈ సినిమాతో దర్శకుడిగా పరిచయం అవుతున్నారు. ఇప్పటికే విడుదలైన టైటిల్, ఫస్ట్ లుక్, గ్లింప్స్ ప్రేక్షకుల్లో మంచి అంచనాలు పెంచాయి.
గోండ్ తెగల నేపథ్యంతో హై-ఆక్టేన్ ఎమోషనల్ యాక్షన్ థ్రిల్లర్గా తెరకెక్కుతున్న ఈ చిత్రంలో రష్మిక ఇప్పటివరకు కనిపించని ఇంటెన్స్ లుక్లో దర్శనమివ్వనున్నారు. ముఖ్యంగా యాక్షన్ సన్నివేశాల్లో ఆమె ప్రదర్శన ఈ సినిమాకు ప్రధాన ఆకర్షణగా నిలవనుంది.
Rashmika Mysaa Movie | ఫుల్ హార్డ్ వర్క్..
ఈ పాత్ర కోసం రష్మిక భారీగా కష్టపడుతున్నారు. ప్రస్తుతం బ్యాంకాక్లో ఉన్న ఆమె, కఠినమైన హ్యాండ్-టు-హ్యాండ్ కంబాట్ ట్రైనింగ్ తీసుకుంటున్నారు. అంతర్జాతీయ స్థాయి స్టంట్ టీమ్తో కలిసి రోజుకు సుమారు 8 గంటల పాటు మార్షల్ ఆర్ట్స్ ప్రాక్టీస్ చేస్తున్నట్లు సమాచారం. ట్రైనింగ్ సమయంలో తీసిన ఫోటోలు సోషల్ మీడియాలో వైరల్ అవుతున్నాయి. ఇక వ్యక్తిగత జీవితంలో Vijay Deverakondaతో వివాహం అనంతరం రష్మిక కొత్త దశలోకి అడుగుపెట్టారు. వివాహానంతరం కొంతకాలం కుటుంబ సభ్యులు, స్నేహితులతో కలిసి వేడుకలు జరుపుకుని, తర్వాత మళ్లీ సినిమాలతో బిజీ అయ్యారు. వ్యక్తిగత, వృత్తి జీవితాలను బ్యాలెన్స్ చేస్తూ ముందుకు సాగుతున్నారు.
Rashmika Mysaa Movie | కేరళలో..
‘ది గర్ల్ ఫ్రెండ్’ చిత్రానికి గాను ఉత్తమ నటిగా ఎంపిక కావడం ఆమె కెరీర్లో మరో మైలురాయిగా నిలిచింది. బ్యాంకాక్లో ఉన్న కారణంగా ఆమె ముంబైలో జరిగిన INCA అవార్డ్స్ కార్యక్రమానికి హాజరుకాలేకపోయింది. త్వరలో కేరళలో ‘మైసా’ చిత్రానికి సంబంధించిన 16 రోజుల యాక్షన్ షెడ్యూల్ ప్రారంభం కానుంది. ఈ చిత్రానికి యాండీ లాంగ్ Andy Long యాక్షన్ డిజైన్ అందిస్తున్నారు. భారీ బడ్జెట్తో అన్ఫార్ములా ఫిల్మ్స్ ఈ సినిమాను నిర్మిస్తోంది. ‘మైసా’ రష్మిక కెరీర్లో ప్రత్యేకమైన చిత్రంగా నిలిచే అవకాశాలు స్పష్టంగా కనిపిస్తున్నాయి.
ఇది కూడా చదవండి : Singer Mangli | సింగర్ మంగ్లీని బహిష్కరించాలని ఫిర్యాదు
