అక్షరటుడే వెబ్డెస్క్: Tamil Nadu Election Shock | తమిళనాడు ఎన్నికల ఫలితాల్లో అనూహ్య పరిణామాలు చోటుచేసుకుంటున్నాయి. డీఎంకే అగ్రనేతలు, ముఖ్యమంత్రి ఎం.కె. స్టాలిన్, ఉప ముఖ్యమంత్రి ఉదయనిధి స్టాలిన్ తమ సొంత నియోజకవర్గాల్లోనే తీవ్ర గట్టి పోటీని ఎదుర్కొంటున్నారు.
Tamil Nadu Election Shock | కొళత్తూరులో ముఖ్యమంత్రికి షాక్..
ముఖ్యమంత్రి ఎం.కె. స్టాలిన్ ప్రాతినిధ్యం వహిస్తున్న కొళత్తూరు నియోజకవర్గంలో లెక్కింపు వేళ అనూహ్య మార్పులు కనిపిస్తున్నాయి. మొత్తం 22 రౌండ్ల లెక్కింపునకు గాను, 11 రౌండ్లు ముగిసేసరికి స్టాలిన్ 8,019 ఓట్ల వెనుకంజలో ఉన్నారు. కౌంటింగ్ సగం పూర్తికావస్తున్నా ముఖ్యమంత్రే వెనుకబడి ఉండటం రాజకీయ వర్గాల్లో పెను సంచలనంగా మారింది.
Tamil Nadu Election Shock | చెపాక్లో ఉదయనిధి స్టాలిన్ ఎదురీత..
మరోవైపు చెన్నై నగరంలోని కీలకమైన చెపాక్ నియోజకవర్గంలో ఉదయనిధి స్టాలిన్ పరిస్థితి కూడా ఉత్కంఠభరితంగా మారింది. ఇక్కడ మొత్తం 17 రౌండ్లకు గాను ఇప్పటివరకు 8 రౌండ్లు పూర్తయ్యాయి. ప్రస్తుతం ఉదయనిధి కేవలం 1,048 ఓట్ల స్వల్ప ఆధిక్యంలో మాత్రమే కొనసాగుతున్నారు. రౌండ్ రౌండ్కు మెజారిటీ మారుతుండటంతో అక్కడ గెలుపుపై ఉత్కంఠ నెలకొంది.
అగ్రనేతలే వెనుకంజలో లేదా స్వల్ప ఆధిక్యంలో ఉండటంతో డీఎంకే శ్రేణుల్లో ఆందోళన మొదలైంది.
కొళత్తూరులో 8019 ఓట్ల వెనుకంజలో స్టాలిన్
22 రౌండ్లకు ఇప్పటికే 11 రౌండ్ల కౌంటింగ్ పూర్తి
————
చెన్నై సిటీలోని చెపాక్లో ఎదురీదుతోన్న ఉదయనిధి స్టాలిన్
మొత్తం 17 రౌండ్లలో ఇప్పటికి 8 రౌండ్లు పూర్తి
కేవలం 1048 ఓట్ల ఆధిక్యంలో ఉదయనిధి pic.twitter.com/9zfDWCNJX0
— greatandhra (@greatandhranews) May 4, 2026
ఇదా కూడా చదవండి: Kavita Farmers Support | మొక్కజొన్న దగ్ధమైన రైతులను ప్రభుత్వం ఆదుకోవాలి : కవిత
