అక్షరటుడే, వెబ్డెస్క్: FCI Godown Fire | నల్లగొండ జిల్లా కేంద్రంలోని ఫుడ్ కార్పొరేషన్ ఆఫ్ ఇండియా (FCI) గోడౌన్లో గురువారం భారీ అగ్నిప్రమాదం సంభవించింది. గోడౌన్ ఆవరణలో ఒక్కసారిగా మంటలు చెలరేగడంతో స్థానికులు భయాందోళనకు గురయ్యారు.
FCI Godown Fire | క్షణాల్లోనే ఇతర ప్రాంతాలకు
గోడౌన్ ఆవరణలోని ఒక భాగంలో ప్రారంభమైన మంటలు క్షణాల్లోనే ఇతర ప్రాంతాలకు వేగంగా విస్తరించాయి. భారీగా పొగ కమ్మేయడం, మంటలు ఎగిసిపడటంతో పరిసర ప్రాంత ప్రజలు ఉలిక్కిపడ్డారు. ప్రమాదం జరిగిన వెంటనే గమనించిన సిబ్బంది అగ్నిమాపక కేంద్రానికి సమాచారం అందించారు.
FCI Godown Fire | రంగంలోకి అగ్నిమాపక సిబ్బంది
సమాచారం అందిన వెంటనే అగ్నిమాపక దళం ఘటనాస్థలికి చేరుకుంది. మంటలను అదుపు చేసేందుకు సిబ్బంది తీవ్రంగా శ్రమిస్తున్నారు. మంటలు గోడౌన్ లోపల ఉన్న నిల్వలకు వ్యాపించకుండా ఉండేందుకు ముందస్తు చర్యలు చేపట్టారు.
ప్రమాదం సంభవించడానికి గల కచ్చితమైన కారణాలు ఇంకా తెలియరాలేదు. షార్ట్ సర్క్యూట్ వల్ల ప్రమాదం జరిగిందా లేదా ఇతర కారణాలేమైనా ఉన్నాయా అనే కోణంలో అధికారులు విచారణ జరుపుతున్నారు.
ఈ ప్రమాదంలో జరిగిన ఆస్తి నష్టంపై అధికారులు ఆరా తీస్తున్నారు. ప్రస్తుతానికి అగ్నిమాపక పనులు కొనసాగుతున్నాయి. మరిన్ని వివరాలు తెలియాల్సి ఉంది.
Khushbu | “నడకే జిమ్”… 32 కేజీలు తగ్గి ఆశ్చర్యపరిచిన నటి ఖుష్బూ ఫిట్నెస్ ప్రయాణం!
