అక్షరటుడే, వెబ్డెస్క్ : Gachibowli Fire Accident | హైదరాబాద్ (Hyderabad) నగరంలోని గచ్చిబౌలిలో సోమవారం ఉదయం భారీ అగ్ని ప్రమాదం చోటు చేసుకుంది. టీఎన్జీవోస్ కాలనీ (TNGOs Colony)లోని ఓ అపార్ట్మెంట్లో మంటలు చెలరేగాయి.
అపార్ట్మెంట్లోని సెల్లార్లో మంటలు అంటుకున్నాయి. అనంతరం నలువైపులా వ్యాపించాయి. ఈ ఘటనలో సెల్లార్లో పార్క్ చేసిన 15 ద్విచక్ర వాహనాలు దగ్ధం అయ్యాయి. దట్టమైన పొగ అలుముకోవడంతో అపార్ట్వాసులు భయాందోళనకు గురయ్యారు. ఈ క్రమంలో ఇద్దరు తీవ్ర అస్వస్థతకు గురి కాగా.. మిగతా వారు సురక్షితంగా బయట పడ్డారు.
Gachibowli Fire Accident | షార్ట్ సర్క్యూట్తో..
అగ్ని ప్రమాదం (Fire Accident)పై సమాచారం అందుకున్న అగ్ని మాపక సిబ్బంది ఘటన స్థలానికి చేరుకొని మంటలను ఆర్పి వేశారు. పై అంతస్తుల్లో చిక్కుకున్న వారిని రక్షించారు. సెల్లార్లో షార్ట్ సర్క్యూట్తో మంటలు చెలరేగినట్లు అనుమానిస్తున్నారు. ఈ ఘటనలో గాయపడిన వారిని ఆస్పత్రికి తరలించారు. కాగా నగరంలో అనేక భవనాల్లో ఫైర్ సేఫ్టీ నిబంధనలు పాటించడం లేదు. గతంలో నాంపల్లిలోని ఓ ఫర్నిచర్ షోరూమ్లో అగ్ని ప్రమాదం జరిగి 5గురు చనిపోయారు. ఇటీవల అనేక అగ్ని ప్రమాదాలు చోటు చేసుకుంటున్నాయి. అయినా అధికారులు చర్యలు చేపట్టడం లేదు.
గతంలో నాలుగు రోజులు తనిఖీల పేరిట హైడ్రా, అగ్నిమాపక, జీహెచ్ఎంసీ అధికారులు (GHMC Officers) హడావుడి చేశారు. ఫైర్ సేఫ్టీ నిబంధనలు పాటించని పలు వ్యాపార సంస్థలను సీజ్ చేశారు. అనంతరం వ్యాపారుల వినతి మేరకు తనిఖీలకు నెల రోజుల విరామం ఇస్తున్నట్లు హైడ్రా కమిషనర్ తెలిపారు. అయితే ఆ విరామం గడువు ముగిసినా.. ఎలాంటి చర్యలు చేపట్టడం లేదు. దీంతో నగరంలో నిత్యం ఏదో ఒక ప్రాంతంలో అగ్ని ప్రమాదం చోటు చేసుకుంటూనే ఉంది.
ఇది కూడా చదవండి..: Heavy Rain Alert | నేడు పలు జిల్లాలకు వర్ష సూచన
